माणूस की सैतान! भिवंडीत 39 वर्षाच्या नराधमाचे 7 वर्षाच्या चिमुकलीसोबत अश्लील चाळे
Crime : भिवंडीमध्ये घृणास्पद घटना घडली आहे. 39 वर्षीय व्यक्तीनं सात वर्षाच्या चिमुकलीचं अपहरण करुन अश्लील चाळे केल्याचं समोर आले आहे.
Bhiwandi Latest Crime News update : भिवंडीमध्ये एक घृणास्पद घटना घडली आहे. एका 39 वर्षीय विकृत नराधमानं सात वर्षीय चिमुकलीसोबत अश्लील चाळे केल्याचं समोर आले आहे. सीसीटीव्ही फुटेज समोर आल्यानंतर या विकृत व्यक्तीची कृती समोर आली आहे. पोलिसांनी त्या व्यक्तीला बेड्या ठोकल्या आहेत.
एका सात वर्षीय अल्पवयीन मुलीचे अपहरण करून तिच्यावर 39 वर्षीय विकृत नराधमाकडून घृणास्पद प्रकार केल्याची धक्कादायक घटना समोर आली आहे. हा नराधम पीडित मुलीला बहाण्याने बोलून तिला सोसायटीच्या पार्किंगमध्ये उभ्या असलेल्या दुचाकीवर बसवून तिच्याशी घृणास्पद चाळे करताना सीसीटीव्हीत कैद झाला आहे. याप्रकरणी शांतीनगर पोलीस ठाण्यात विविध कलमानुसार गुन्हा दाखल करण्यात आला आहे. पोलिसांनी नराधमाला बेड्या ठोकल्या आहे. आशिक अली शाह असे त्या नरधमाचे नाव आहे.
सूत्रांकडून मिळालेल्या माहितीनुसार सात वर्षीय पीडित मुलगी भिवंडी शहरातील शांतीनगर पोलीस ठाण्याच्या हद्दीत असलेल्या एका सोसायटीत कुटुंबासह राहते. त्यातच 25 जानेवारी रोजी दुपारच्या सुमारास पीडित मुलगी परिसरातील एका कटलरी दुकानातून बांगड्या खरेदी करण्यासाठी घरातून निघाली होती. त्याच सुमारास नराधम तिला इमारतीच्या खाली भेटला. त्यावेळी पीडितेला त्याने विचारले असता, मी बांगड्या आण्यासाठी जात आहे. हे ऐकताच त्याने पीडित मुलीला बांगड्या घेण्यासाठी पैसे देतो म्हणून सांगताच, पीडित मुलीने त्याला नकार दिला. त्यानंतर या नराधमाने पीडित मुलीला सांगितले की, तुझे वडील माझे मित्र असून तुला त्यांच्याकडं सोडतो. असे सांगून तिचे अपहरण केलं.
त्यानंतर सोसायटीच्या पार्किंगमध्ये उभ्या असलेल्या एका दुचाकीवर तिला बसवले. त्यानंतर तिच्या मागे दुचाकीवर बसून घृणास्पद चाळे करत असतानाच, या प्रकारामुळे पीडित मुलगी भयभीत होऊन तिने घटनास्थळावरून पळ काढत घर गाठले. आणि तिच्यावर घडलेला घृणास्पद प्रसंग आईला सांगितला. त्याच दरम्यान घडलेला प्रकार पीडित मुलीच्या वडिलांना माहिती पडताच त्यांनी घर गाठले. त्यानंतर पीडित मुलीला घेऊन शांतीनगर पोलीस ठाणे गाठून घडलेल्या प्रसंगाचे कथन करताच, पोलिसांनी नराधम विरोधात भादंवि कलम 366 (ए ) 354, 355 (बी) आणि पोक्सो कायदा कलम 8 आणि 12 नुसार गुन्हा दाखल करून त्याचा शोध सुरू केला.
दरम्यान घटनेचे गांभीर्य ओळखून शांतीनगर पोलिसांनी दोन पथके तयार करत सोसायटीसह परिसरातील सीसीटीव्ही फुटेज तपासणी केली. त्यावेळी एका सीसीव्हीटी फुटेजमध्ये नराधम पीडित मुलीशी घृणास्पद कृत्य करीत असल्याचे दिसून आले. त्यानंतर या नाराधमाचा शोध घेऊन त्याला भिवंडीतून अटक केली आहे. या घटनेचा अधिक तपास शांतीनगर पोलीस करीत आहेत.
महत्त्वाच्या बातम्या
