Beed Jail Gang War: महादेव गित्तेंना जेलमध्ये वाल्मिक कराडच्या सांगण्यावरुन का मारलं? गित्तेच्या पत्नीनं सांगितलं खळबळजनक कारण
beed crime news: महादेव गित्ते याने जेल प्रशासनाला दिलेल्या तक्रारीनंतर त्याची पत्नी मीरा गित्ते यांचे वाल्मीक कराड गँगवर आरोप. कारागृहातील मारहाणीची प्लॅनिंग तीन दिवस आधीच झाल्याचा आरोप
Beed Crime: महादेव गित्ते याने जिल्हा कारागृहाच्या प्रशासनाला दिलेल्या तक्रारीनंतर त्यांची पत्नी मीरा गित्ते यांनी वाल्मीक कराड यांच्यासह गँगवर गंभीर आरोप केले आहेत. महादेव गित्ते यांनी बीड कारागृहात (Beed Jail) झालेल्या मारहाणीचे सीसीटीव्ही फुटेज तक्रारीत मागितले आहेत. ते प्रशासनाने द्यायलाच पाहिजेत, याला वेळ का लागत आहे, असा सवाल मीरा गित्ते (Mira Gitte) यांनी उपस्थित केला. कारागृहातील मारहाणीची प्लॅनिंग तीन दिवस आधीच केली गेली होती. एकमेकांकडे बघण्याच्या कारणावरून महादेव गित्ते (Mahadev Gitte) यांच्यावर दहा जणांनी हल्ला केला, असे मीरा गित्ते यांनी प्रसारमाध्यमांना सांगितले.
मीरा गित्ते यांच्या दाव्यानुसार, संतोष देशमुख हत्या प्रकरणातील आरोपी आणि परळीतून जेलमध्ये गेलेले आरोपींनी महादेव गित्ते यांना मारहाण केली होती. यावेळी तुम्ही सध्या जेलममध्ये आहेत म्हणून वाचलात नाहीतर, तुमचे हाल संतोष देशमुख यांच्यापेक्षा वाईट करून तुम्हाला मारलं असतं, अशी धमकी महादेव गित्तेच्या यांना देण्यात आली, असा दावा त्यांच्या पत्नीने केला.
वाल्मीक कराड याला जेलमध्ये ज्या सुविधा मिळत आहेत त्याला गित्ते विरोध करत होते, म्हणूनच हा मारहाणीचा प्रकार झाला आहे.
बापू आंधळे खून प्रकरणात वाल्मीक कराड यांचे नाव 302 मध्ये घेतले पाहिजे. या प्रकरणातील सर्व आरोपींच्या गुन्ह्याची तपासणी केली पाहिजे. मी आज बीडच्या पोलीस अधीक्षकांची भेट घेणार असून जेलमधील मारहाणीच्या दिवशीचे सीसीटीव्ही फुटेजची मागणी करणार आहे, अशी माहिती मीरा गित्ते यांनी दिली.
कारागृहातील भांडणाचा मास्टरमाईंड वाल्मीक कराडच: मीरा गित्ते
वाल्मिक कराड याच्या सांगण्यावरूनच सुदर्शन घुले, प्रतीक घुले आणि त्याच्या साथीदारांनी कारागृहात आम्हाला मारहाण केल्याची तक्रार महादेव गित्ते, राजेश वाघमोडे यांनी कारागृह अधीक्षक यांच्याकडे केली आहे. हा सर्व प्रकार सीसीटीव्हीत कैद झाला असून त्यांच्यावर गुन्हा दाखल करावा अशी मागणी महादेव गित्ते यांनी कारागृह अधीक्षकांकडे केली आहे.
31 मार्चला सकाळी मी आणि माझे सहकारी तुरुंगातील बराकीतून बाहेर पडलो. त्यावेळी वाल्मीक कराडच्या सांगण्यावरुन आमच्यावर हल्ला झाला. सुदीप सोनवणे, सुदर्शन घुले, प्रतीक घुले, रघुनाथ फड, बालाजी दहिफळे, हैदर अली,लईक अली,योगेश मुंडे,जगन्नाथ फड व त्याच्या साथीदारांनी आमच्यावर हल्ला केला. ही सर्व घटना सीसीटीव्हीत कैद झाली आहे. त्यामुळे हे सीसीटीव्ही फुटेज तपासण्यात यावे, अशी मागणी महादेव गित्ते यांनी केली.
आणखी वाचा
महत्त्वाच्या बातम्या
