Badlapur Case : बदलापुरात शाळकरी मुलींच्या सुरक्षेचा प्रश्न ऐरणीवर, प्रशासनासह शाळांकडून हलगर्जीपणा 

Badlapur School Girl Sexual Assault : बदलापूर प्रकरणातील आरोपीवर गुन्हा नोंदवण्यात आला असून त्याला 27 जानेवारीपर्यंत पोलीस कोठडी सुनावण्यात आली आहे. 

Badlapur School Girl Sexual Assault

Source : abp majha

ठाणे : चार वर्षाच्या चिमुकलीवर शाळेच्या व्हॅन चालकाने व्हॅनमध्येच लैंगिक अत्याचार केल्याने (Badlapur Sexual Assault) बदलापूर पुन्हा एकदा हादरलं आहे, या प्रकरणी बदलापूर पोलिसांनी पॉक्सो कायद्यान्वये तात्काळ कारवाई करत आरोपीला बेड्या ठोकल्या आहेत. असं असलं तरी बदलापुरात सातत्याने घडणाऱ्या या घटनांमुळे लहान मुलांच्या, विशेषकरून मुलींच्या सुरक्षेचा प्रश्न ऐरणीवर आला आहे. बदलापूर प्रकरणातील आरोपीला सध्या 27 जानेवारीपर्यंत पोलीस कोठडी सुनावण्यात आली असून या प्रकरणाचा तपास सुरू आहे.

चार वर्षीय शाळकरी मुलीवर शाळेतून परत येत असताना व्हॅन चालकानेच अतिप्रसंग केला. ही घटना समोर येताच बदलापूर पोलिसांनी व्हॅन चालकाला अटक केली. बालकांचे लैंगिक अत्याचारापासून संरक्षण (पॉक्सो) कायद्याअंतर्गत व्हॅन चालकाला अटक करण्यात आली.

Badlapur School Girl Sexual Assault  : व्हॅन चालकाला अटक

ज्या व्हॅनमधून ही चिमुकली रोज शाळेत ये जा करायची त्याच व्हॅनच्या चालकाने चिमुकलीवर अतिप्रसंग करण्याचा प्रयत्न केला. मुलगी घरी येताच तिने घरच्यांना घडलेल्या प्रकार सांगितला. ही हकीकत ऐकताच त्यांना देखील धक्काच बसला. पण त्यांनी क्षणाचाही विलंब न करता त्यांनी थेट बदलापूर पोलीस ठाणं गाठलं. 

ऑगस्ट 2024 मध्ये दोन शाळकरी मुलींवर शाळेतीलच अक्षय शिंदे नावाच्या सफाई कर्मचाऱ्याने केलेल्या लैंगिक अत्याचाराच्या घटनेवरुन बदलापूर पेटून उठल होतं. माणुसकीला काळिमा फसणाऱ्या या घटनेनंतर अक्षय शिंदेला एन्काउंटरमध्ये पोलिसांनी मारलं खरं, पण या संपूर्ण घटनेची आठवण आजही बदलापूरवासियांमध्ये ताजी आहे. त्यातच आता पुन्हा एकदा 4 वर्षाच्या चिमुकलीवर व्हॅन चालकाने लैंगिक अत्याचार केल्याने बदलापूर पुन्हा एकदा हादरलं आहे. 

Badlapur Rape Case : बदलापूरवासियांमध्ये संताप

ही घटना समोर येताच बदलापूरवासियांनी संताप व्यक्त करत ज्या व्हॅनमध्ये हे कृत्य घडलं तिची तोडफोड केली. व्हॅन चालकाकडे कोणताही परवाना नसल्याने आरटीओ कडून कारवाई देखील करण्यात आली आहे. स्थानिक राजकारण्यांनी महिला आयोग तसेच शिक्षण अधिकाऱ्यांची भेट घेत कठोर कारवाईची मागणी देखील केली. 

शाळकरी मुलीवर झालेल्या लैंगिक अत्याचाऱ्याच्या या घटनेमुळे बदलापुरात शाळकरी मुलींना नेमक का लक्ष केल जातंय? प्रशासनासह शाळांकडून कुठे हलगर्जीपणा तर होत नाही ना? या सगळ्यांची चौकशी होणं गरजेचं आहे.

ही बातमी वाचा: