Badlapur Crime: बदलापूर शहरातील एका रेस्टॉरंटमध्ये झालेल्या क्षुल्लक वादातून एका 29 वर्षीय तरुणाची हत्या करण्यात आली आहे. ही घटना शनिवारी रात्री साडेअकराच्या सुमारास घडली आहे. याप्रकरणी बदलापूर पश्चिम पोलिसांनी हत्येचा गुन्हा दाखल केला केलाय. तसेच दोन संशयितांना ताब्यात घेतलं आहे. ही संपूर्ण घटना सीसीटीव्ही कॅमेऱ्यात कैद झाली असून याप्रकरणी पोलिसांनी पुढील चौकशीला सुरुवात केली आहे.
मिळालेल्या माहितीनुसार, सिद्धांत सरोज असं हत्या झालेल्या तरुणाचं नाव आहे. दरम्यान, बदलापूर पश्चिमेला नाईन सिज नावाचे बार अँड रेस्टॉरंट आहे. या ठिकाणी शनिवारी रात्री साडेअकराच्या सुमारास मयत सिद्धांत सरोज आपल्या मित्रासोबत आला होता. यावेळी या रेस्टॉरंटमध्ये बाजूच्या टेबलावर चार ते पाच जण बसले होते. यावेळी यातील एकाचा सिद्धांतला धक्का लागला. ज्यामुळं त्यांच्यात बाचाबाची झाली.
त्यानंतर सिद्धांत रेस्टॉरंटच्या बाहेर पडताच पाच ते सहा जणांनी त्याला लाठ्या काठ्यांनी जबर मारहाण केली. या मारहाणीत सिद्धांतला गंभीर दुखापत झाली. ज्यामुळं त्याचा मृत्यू झाला. हा संपूर्ण प्रकार सीसीटीव्ही कॅमेऱ्यात कैद झाला आहे. बदलापूर पश्चिम पोलिसांनी हत्येचा गुन्हा दाखल केला असून याप्रकरणी दोन संशयित त्यांना ताब्यात घेतले आहे. सीसीटीव्ही च्या आधारे आरोपींचा पोलिसांनी शोध सुरू केला आहे. या घटनेनंतर संपूर्ण परिसरात एकच खळबळ माजली आहे.
कल्याण: उसने घेतलेले पैसे मागण्यासाठी गेलेल्या महिलेची हत्या
उसने घेतलेले पैसे मागण्यासाठी गेलेल्या महिलेची आई आणि मुलाने हत्या केल्याची धक्कादायक घटना कल्याण पूर्वेत घडली आहे. रंजना जैस्वार असे हत्या झालेल्या महिलेचे नाव आहे. या प्रकरणी पोलिसांनी आई लालसादेवी राजभर आणि मुलगा विजय राजभर यांच्या विरोधात गुन्हा दाखल करून दोघांनाही अटक केली आहे.
हे देखील वाचा-