Ashok Kharat Nashik Crime News: मोठी बातमी: अशोक खरात मुंबईतील पंचतारांकित हॉटेलमधून चालवायचा 'हवाला रॅकेट', दिवसाला 25 हजारांचं भाडं, वर्षभरासाठी महागडी खोली बुक, हादरवणारी माहिती समोर
Ashok Kharat Nashik Crime News: खरात याने केवळ अंधश्रद्धेच्या नावाखालीच नव्हे, तर 'हवाला' रॅकेटच्या माध्यमातूनही आपले जाळे विणल्याची माहिती आता समोर आली आहे.
Ashok Kharat Nashik Crime News: नाशिकमधील भोंदू बाबा अशोक खरात (Ashok Kharat) प्रकरणात दररोज नवनवे आणि धक्कादायक खुलासे समोर येत आहेत. खरात याने केवळ अंधश्रद्धेच्या नावाखालीच नव्हे, तर 'हवाला' रॅकेटच्या (Hawala Racket) माध्यमातूनही आपले जाळे विणल्याची माहिती आता समोर आली आहे. विशेष म्हणजे, हे रॅकेट चालवण्यासाठी मुंबईतील (Mumbai) एका आलिशान पंचतारांकित हॉटेलचा वापर केला जात होता, अशी माहिती सूत्रांनी दिली आहे.
Ashok Kharat Nashik Crime News: मुंबईतील हॉटेलमधून कोट्यवधींची उलाढाल
याबाबत मिळालेल्या माहितीनुसार, अशोक खरातने मुंबईतील एका प्रसिद्ध पंचतारांकित हॉटेलमध्ये एक स्पेशल सूट (Suite) कायमस्वरूपी बुक केला होता. या रूमचे दिवसाचे भाडे 25 हजार रुपये इतके होते. वर्षाचे 365 दिवस ही रूम खरातच्या नावावर बुक असायची. याच आलिशान रूममधून कोट्यवधी रुपयांच्या हवाला व्यवहारांची देवाण-घेवाण आणि आखणी केली जात असल्याचे तपासात समोर येत आहे.
Ashok Kharat Nashik Crime News: हवाला रॅकेटचे 'दुबई' कनेक्शन?
अशोक खरात प्रकरणात आता आंतरराष्ट्रीय धागेदोरे मिळण्याची शक्यता बळावली आहे. हवाला रॅकेटचा पैसा थेट दुबईपर्यंत पोहोचत असल्याचा संशय तपास यंत्रणांनी व्यक्त केला आहे. या प्रकरणाची व्याप्ती राज्याच्या सीमा ओलांडून परदेशापर्यंत पसरलेली असल्याने, एसआयटी (SIT) आता त्या दिशेने कसून तपास करत आहे.
Ashok Kharat Nashik Crime News: खरातच्या जाळ्यात अडकलेल्या पीडित महिलांना प्रचंड मानसिक धक्का
नाशिकमधील भोंदू अशोक खरात प्रकरणात धक्कादायक घडामोडी समोर येत आहेत. या प्रकरणात अडकलेल्या सुमारे आठ ते नऊ पीडित महिलांना प्रचंड मानसिक धक्का बसला असून त्यांनी मानसोपचार तज्ञांची मदत घेतल्याची माहिती समोर आली आहे. व्हिडिओ व्हायरल झाल्यामुळे अनेक महिला घरातच एकट्या राहत असून नैराश्याच्या सावटाखाली असल्याचेही समजते. या पार्श्वभूमीवर विशेष तपास पथकाने महिलांना कोणतेही दडपण न घेण्याचे आवाहन करत त्यांना पूर्ण सुरक्षा देण्याची ग्वाही दिली आहे.
तसेच पीडित महिलांची अज्ञातस्थळी चौकशी करण्यात येत असून त्यांचा मानसिक त्रास लक्षात घेऊन संवेदनशील पद्धतीने प्रकरण हाताळण्याचा सल्ला देण्यात आला आहे. दरम्यान, अशोक खरात आणि पीडित महिलांचे आक्षेपार्ह व्हिडिओ व्हायरल करणाऱ्यांविरोधात पोलिसांनी गुन्हे दाखल केले असून सायबर पोलिसांकडून संबंधितांवर बारकाईने नजर ठेवली जात आहे.
आणखी वाचा
महत्त्वाच्या बातम्या
