Ashok Kharat Nashik Crime News: अश्लील व्हिडीओ व्हायरलची धमकी अन् 5 कोटीची खंडणी; वासनांध अशोक खरातवर तीन गुन्हे दाखल, राज्य सरकारचा मोठा निर्णय; आता तपास थेट...
Ashok Kharat Nashik Crime News: नाशिकमध्ये कॅप्टन अशोक खरात प्रकरणाने आता आणखी गंभीर वळण घेतले असून, राज्य शासनाने या संपूर्ण प्रकरणाच्या तपासासाठी मोठा निर्णय घेतला आहे.
Ashok Kharat Nashik Crime News: नाशिकमध्ये कॅप्टन अशोक खरात (Ashok Kharat) प्रकरणाने आता आणखी गंभीर वळण घेतले असून, राज्य शासनाने (Maharashtra Government) या संपूर्ण प्रकरणाच्या तपासासाठी मोठा निर्णय घेतला आहे. वासनांध कृत्ये, अश्लील व्हिडिओंची धमकी आणि कोट्यवधींच्या खंडणीच्या आरोपांमुळे प्रकरणाची व्याप्ती वाढल्याने आता तपास थेट विशेष तपास पथकाकडे (SIT) सोपवण्यात आला आहे.
कॅप्टन अशोक खरात याच्याशी संबंधित विविध गंभीर गुन्ह्यांचा तपास एकत्रित आणि प्रभावीपणे करण्यासाठी राज्य शासनाने विशेष तपास पथक (SIT) स्थापन केले आहे. या SIT च्या प्रमुखपदी महिला आयपीएस अधिकारी तेजस्विनी सातपुते यांची नियुक्ती करण्यात आली आहे. गंभीर स्वरूपाच्या आरोपांमुळे आणि विविध ठिकाणी गुन्हे दाखल झाल्याने महाराष्ट्र पोलीस मुख्यालयाने उच्चस्तरीय तपासाची गरज ओळखत हा निर्णय घेतला आहे.
Ashok Kharat Nashik Crime News: तीन ठिकाणी स्वतंत्र गुन्हे
या प्रकरणात नाशिक शहर आणि जिल्ह्यासह इतर भागात एकूण तीन स्वतंत्र गुन्हे नोंदवण्यात आले आहेत. सरकारवाडा पोलीस ठाणे येथे 35 वर्षीय महिलेच्या लैंगिक शोषणाची तक्रार, वावी पोलीस ठाणे (नाशिक ग्रामीण) येथे अश्लील व्हिडिओ व्हायरल करण्याची धमकी आणि तब्बल ५ कोटींची खंडणी मागितल्याचा आरोप आणि शिर्डी पोलीस ठाणे (अहिल्यानगर) येथे अश्लील फोटो व्हायरल प्रकरणी गुन्हा दाखल करण्यात आला आहे. या तिन्ही गुन्ह्यांमुळे प्रकरणाचे स्वरूप केवळ लैंगिक अत्याचारापुरते मर्यादित न राहता ब्लॅकमेलिंग आणि आर्थिक गुन्ह्यांपर्यंत विस्तारले आहे.
Ashok Kharat Nashik Crime News: तपासाची सूत्रे SIT कडे
राज्य शासनाच्या आदेशानुसार संबंधित सर्व पोलीस ठाण्यांना या प्रकरणातील कागदपत्रे, पुरावे आणि केस डायरी तात्काळ SIT कडे हस्तांतरित करण्याच्या सूचना देण्यात आल्या आहेत. तसेच, तपासाची प्रगती नियमितपणे वरिष्ठ स्तरावर सादर करण्याचे निर्देशही देण्यात आले आहेत. यामुळे तपासावर थेट नियंत्रण ठेवले जाणार आहे. दरम्यान, गुन्हे शाखेच्या युनिट 1 ने बुधवारी पहाटे कारवाई करत अशोक खरात याला अटक केली होती. न्यायालयाने त्याला 24 मार्चपर्यंत पोलीस कोठडी सुनावली आहे. तर कॅनडा कॉर्नर येथील त्याच्या कार्यालयातून जप्त करण्यात आलेल्या पेन ड्राइव्हमध्ये 58 व्हिडिओ आढळल्याची माहिती समोर आली असून, या डिजिटल पुराव्यांमुळे तपास अधिकच गंभीर झाला आहे.
Ashok Kharat Nashik Crime News: मोठे खुलासे होण्याची शक्यता
धार्मिक आस्था आणि दैवी शक्तीच्या नावाखाली महिलांना जाळ्यात ओढून अत्याचार केल्याच्या आरोपांसोबतच ब्लॅकमेलिंग आणि खंडणीचे गंभीर आरोप समोर आल्याने या प्रकरणात मोठ्या रॅकेटचा उलगडा होण्याची शक्यता वर्तवली जात आहे. SIT मार्फत होणाऱ्या सखोल तपासामुळे आणखी पीडित पुढे येण्याची आणि अनेक धक्कादायक खुलासे होण्याची शक्यता नाकारता येत नाही.
आणखी वाचा
महत्त्वाच्या बातम्या
