Crime News : मुकबधीर शाळेत सात वर्षाच्या मुलीच्या गुप्तांगावर भाजल्याच्या खुणा, अहमदनगरमध्ये संतापजनक घटना
Crime News Update : अहमदनगर जिल्ह्यातून एक धक्कादायक घटना समोर आली आहे. मुकबधीर शाळेत सात वर्षाच्या मुलीच्या गुप्तांगावर भाजल्याच्या खुणा असल्याची धक्कादायक घटना उघडकीस आली आहे.
Ahmednagar Latest Crime News Update : अहमदनगर जिल्ह्यातून एक धक्कादायक घटना समोर आली आहे. मुकबधीर शाळेत सात वर्षाच्या मुलीच्या गुप्तांगावर भाजल्याच्या खुणा असल्याची धक्कादायक घटना उघडकीस आली आहे. याप्रकरणी जिल्ह्यामध्ये संतापाचे वातावरण झाले आहे. भाजप नेत्या चित्वा वाघ यांनी पिडित मुलीची भेट घेऊन विचारपूस केली आहे. शिवाय पोलीस अधिक्षक यांची भेट घेत कारवाईची मागणी केली आहे.
अहमदनगर जिल्ह्यातील संगमनेर तालुक्यातील संग्राम मूकबधिर वस्तीगृहात सात वर्षांच्या मुलीच्या गुप्तअंगावर भाजल्याच्या जखमा असल्याचा धक्कादायक प्रकार उघडकीस आला आहे. याबाबत संगमनेर पोलीस ठाण्यामध्ये पोस्को अंतर्गत गुन्हा दाखल करण्यात आला आहे. याप्रकरणी भाजपाचे नेता चित्रा वाघ यांनी पीडित मुलीची आणि पोलीस अधीक्षक यांची भेट घेऊन कडक कारवाईची मागणी केली आहे. संगमनेर तालुक्यातील कोल्हाळे येथील संग्राम मूकबधिर वस्ती वस्तीगृहामध्ये एका सात वर्षाच्या अल्पवयीन मुलीच्या गुप्तांगावर भाजल्याच्या खुणा असल्याचं असल्याचा धक्कादायक प्रकार उघडकीस आला आहे. या प्रकरणांमध्ये आई-वडिलांच्या तक्रारीनंतर तालुका पोलीस स्टेशनमध्ये संस्थेच्या मुख्याध्यापकाच्या विरोधात गुन्हा दाखल केला असून चौकशी सुरू असल्याचं पोलीस अधीक्षक मनोज पाटील यांनी सांगितलं.
अल्पवयीन मुलीच्या आई-वडिलांना शाळेतून फोन आला तुमची मुलगी आजारी असल्याचं त्यांनी सांगितलं. मात्र, आई वडील शाळेत गेल्यानंतर संबंधित मुलीला तेथील कर्मचाऱ्यांनी घरी घेऊन जाण्यास नकार दिला. मात्र, काही स्थानिक समाजसेविका आणि मुलीच्या मामाच्या मदतीने मुलीला मुलीची भेट झाली. त्यानंतर हा धक्कादायक प्रकार समोर आला आहे. मुलीवर अहमदनगरच्या शासकीय रुग्णालयांमध्ये सध्या उपचार सुरू आहेत. त्या मुलीला उपचारासाठी पुणे येथील ससूनमध्ये पाठवण्यात येणार आहे. या प्रकरणाची गंभीर दखल घेऊन भाजपाच्या नेत्या चित्रा वाघ यांनी आज पीडित मुलीची शासकीय रुग्णालय जाऊन भेट घेतली. त्यानंतर त्यांनी अहमदनगरचे पोलीस अधीक्षक मनोज पाटील यांची भेट घेऊन या गंभीर प्रकरणाचा तपास लवकर करण्याची मागणी करत स्थानिक पोलिसांवर राजकीय दबाव येऊ शकतो, त्यामुळे तालुक्याच्या बाहेरील तपासी अधिकारी देण्याची मागणी केली आहे.
या प्रकरणांमध्ये आई-वडील आणि नातेवाईकावर राजकीय दबाव येत असल्याचा आरोप मुलीच्या मामाने केला आहे. राज्यात अशा प्रकारच्या अनेक गंभीर प्रकरणं समोर आली आहेत. परंतु या प्रकरणांचा तपास लवकरात लवकर होऊन न्यायालयात सुद्धा या प्रकरणांचा निकाल लवकर लागावा, यासाठी फास्टट्रॅक कोर्ट असावे. किंबहुना अशा गंभीर आणि धक्कादायक प्रकारांमध्ये वेगळेच कोर्ट असावे अशी मागणी चित्रा वाघ यांनी केली आहे.
महत्त्वाच्या बातम्या
