Mumbai Angadia Theft : दक्षिण मुंबईतील अगंडिया व्यापारी कार्यालयावर चोरट्यांनी डल्ला (Agandia business office Theft) मारला आहे. भरदिवसा एक कोटी रुपयांची (One Crore Rupees) चोरी करण्यात आल्याची धक्कादायक बाब समोर आली आहे. दक्षिण मुंबईतील अगंडिया व्यापाऱ्याच्या कार्यालयातून भरदिवसा एक कोटी रुपयांची चोरी करण्यात आली आहे. अंगडिया व्यापाऱ्याच्या कार्यालयात शनिवारी दोन अज्ञात व्यक्तींनी घुसून चोरी केली. शनिवारी दुपारी दोन अज्ञात व्यक्ती अंगडिया व्यापाऱ्याच्या कार्यालयात घुसले. त्यानंतर चोरांनी तिजोरीचे कुलूप तोडून त्यामधील एक कोटी रुपये घेऊन पलायन केल्याची घटना घडली आहे.
अंगडिया व्यापाऱ्याने तिजोरीत काही दिवसांआधी एक कोटींहून अधिक रक्कम ठेवली होती. त्यानंतर व्यापाऱ्याने तिजोरीतील काही रक्कम काढून घेतली होती. शनिवारी चोरी झाली त्यावेळी तिजोरीत एक कोटी रुपयांची रक्कम होती, अशी माहिती सूत्रांनी दिली आहे. या चोरी प्रकरणी पोलिसांनी अज्ञात चोरट्यांविरोधात गुन्हा दाखल केला आहे. पोलिसांकडून या प्रकरणाचा अधिक तपास सुरु आहे. पोलीस त्या भागातील सीसीटीव्ही फुटेज तपासत आहेत. त्यासोबतच परिसरातील लोकांची चौकशी करत आहेत.