Nida Khan: फरार निदा खानची अटकपूर्व जामिनासाठी धडपड, 'लेडी मास्टरमाइंड'ला पकडण्यासाठी एसआयटीकडून पुणे-मुंबईत झाडाझडती
Nida Khan: पोलिसांच्या हाती लागण्यापूर्वीच जामीन मिळवण्यासाठी निदा खानने वकिलांमार्फत अटकपूर्व जामिनासाठी धडपड सुरू केली आहे.
नाशिक: नाशिकमधील नामांकित कंपनीत काम करणाऱ्या तरुणींवर धर्मांतरासाठी दबाव टाकल्याच्या प्रकरणाने संपूर्ण राज्य हादरले आहे. या प्रकरणातील मुख्य सूत्रधार (Mastermind) मानली जाणारी संशयित आरोपी निदा खान 21 दिवसांपासून फरार असून, अटक टाळण्यासाठी तिने आता कायदेशीर हालचाली सुरू केल्या आहेत. पोलिसांच्या हाती लागण्यापूर्वीच जामीन मिळवण्यासाठी निदा खानने वकिलांमार्फत अटकपूर्व जामिनासाठी धडपड सुरू केली आहे.
Nida Khan: एसआयटीकडून तपासाचा फास आवळला
या प्रकरणाचे गांभीर्य लक्षात घेऊन स्थापन करण्यात आलेल्या विशेष तपास पथकाने (SIT) आपला तपास अधिक तीव्र केला आहे. निदा खानचा शोध घेण्यासाठी पोलिसांची विविध पथके भिवंडी, मुंबई, पुणे आणि नाशिकमधील संभाव्य ठिकाणांवर रवाना झाली आहेत. यापूर्वी पोलिसांनी नाशिक आणि पुण्यातील काही संशयास्पद ठिकाणांची झडती घेतली, मात्र निदा खान अद्याप पोलिसांच्या हाती लागलेली नाही.
धर्मांतर प्रकरणातील आरोपी निदा खान गरोदर असल्याची माहिती समोर आली आहे. गरोदर असल्याने अटकपूर्व जामीन मिळावा यासाठी निदा खानकडून जामीनासाठी नाशिकरोड न्यायालयात अर्ज करण्यात आल्याची माहिती समोर आली आहे. निदा खानच्या अटकपूर्व जमीन अर्जावर उद्या सुनावणी होण्याची शक्यता आहे. निदा खान अद्याप फरार असून, नाशिक पोलिसांचे पथक तिच्या मागावर आहे. निदाच्या अटकपूर्व जामिनावर काय निर्णय होणार याकडे लक्ष लागलं आहे.
Nida Khan: धर्मांतरासाठी तरुणींवर टाकला दबाव
निदा खानवर अत्यंत गंभीर आरोप आहेत. प्रतिष्ठित कंपनीत काम करणाऱ्या तरुणींना हेरून, त्यांचे ब्रेनवॉश करणे आणि त्यांना इस्लाम धर्म स्वीकारण्यासाठी मानसिक दबाव टाकणे, असे कृत्य ती करत असल्याचे पोलीस तपासात समोर आले आहे. या प्रकरणाचे धागेदोरे मोठे असण्याची शक्यता वर्तवण्यात येत असून, निदा खानच्या अटकेनंतर अनेक मोठे खुलासे होऊ शकतात.
तरुणींच्या धर्मांतरासाठी वापरण्यात येणाऱ्या या 'मोडस ऑपरेंडी'मुळे नाशिकसह राज्यभरात संतापाची लाट आहे. निदा खानने जामिनासाठी अर्ज केला असला, तरी पोलीस या अर्जाला न्यायालयात जोरदार विरोध करण्याची शक्यता आहे. ती वारंवार आपली ठिकाणे बदलत असल्याने तिला पकडणे पोलिसांसमोर मोठे आव्हान ठरत आहे.
मुख्य सूत्रधार असलेली निदा खान मात्र गेल्या 20 दिवसांपासून फरार आहे. कंपनीमध्ये मॅनेजर आणि टीम लीडर म्हणून निदा खान काम बघत होती. आरोपींना दररोज कामाचे नियोजन देण्यासाठी होणाऱ्या मीटिंगमध्ये हिंदू मुलींची छळवणूक आणि त्यांच्यावर धर्मांतराचा तगादा लावण्यासाठी निदा खान (Nida Khan) ऑपरेशन डिपार्टमेंट म्हणून या सर्व गोष्टी घडवून आणत असल्याची धक्कादायक माहिती पोलीस तपासामध्ये समोर आली आहे.
गेला वीस दिवसांपासून निदा खान फरार आहे. निदा खानच्या (Nida Khan) मागावर पोलिसांचे तीन पथक रवाना करण्यात आले आहे, मात्र अद्यापही तिचा ठावठिकाणा लागलेला नाही. या कंपनीतील तरुणींना आणि महिलांना मानसिक छळवणूक आणि लैंगिक अत्याचार होताना धर्मांतर करण्याचा मुख्य उद्देश ठेवून अनेक कारनामे या निदा खानच्या सांगण्यावरून घडत होत्या अशी माहिती पोलिसांना मिळाली आहे. कंपनीची HR अश्विनी चैनाणी हिला पोलिसांनी अटक केली आणि तिची कसून चौकशी केली असता. या प्रकरणात निदा खान (Who Is Nida Khan) ही हे सर्व घडवून आणत असल्याचं पोलीस तपासात समोर आली आहे.
Who Is Nida Khan: कोण आहे निदा खान?
नाव - निदा एजाज खान
वय - 26 वर्ष
- कंपनीतील टीम लीडर ची प्रमुख आणि कंपनीत काम करणाऱ्या मुलींची टार्गेट टीम प्रमुख म्हणून काम करत होती.
- 2021पासून निदा खान ही कंपनीत काम करत होती.
- नाशिकच्या द्वारका परिसरात निदा खान हिचे माहेर असून तिचे पती एका खाजगी कंपनीत नोकरी करत असल्याची माहिती आहे.
- कंपनीत नवीन महिला किंवा तरुणी कामाला आल्यानंतर त्यांना या आरोपीकडून ट्रेनिंग देण्याची शिफारस निदा खान करत असे.
- आरोपींच्या प्रेमात आणि ठरवलेल्या धर्मांतर षड्यंत्रात मुली अडकवण्यासाठी तिची मुख्य भूमिका होती.
- या प्रकरणात आर्थिक मदत लागत असेल तर इतर आर्थिक मदत आरोपींना आवश्यक नुसार करत होती.
- निदा खान तिच्या अटकेमुळे या संपूर्ण प्रकरणातील मास्टरमाइंड नेमका कोण आहे याचा खुलासा होणार असल्याने तिची अटकेची कारवाई महत्त्वाची आहे.
- या संपूर्ण प्रकरणाची सूत्रधार म्हणून निदा खान ही असल्याने पोलिचे तीन पथक निदा खानच्या मागावर असून तपास सुरू आहे.
Nida Khan : निदा खान ही एका सर्वसामान्य घरातील पण...
निदा खान ही एका सर्वसामान्य घरातील असल्याची माहिती आहे. तिचे लग्न 2021-22 मध्ये एजाज खान सोबत झाल्याची माहिती असून एका नामांकित महाविद्यालयात तिचे शिक्षण ही पूर्ण झाल्याची माहिती आहे. अभियांत्रिकी शिक्षण पूर्ण करून एका नामांकित कंपनीमध्ये निदा ही सॉफ्टवेअर इंजिनीयर म्हणून काम करत असल्याचा देखील समोर आले आहे. मात्र या प्रकरणात निदा खानवर मुख्य सूत्रधार म्हणून आरोप झाल्याने या प्रकरणात तिची अटक ही नाशिक पोलिसांसाठी आणि या प्रकरणातील उलगडा होण्यासाठी सर्वाधिक निर्णय होणार आहे. निदा खानचे आंतरराष्ट्रीय नेटवर्क असल्याचा देखील संशय तपास यंत्रणे कडून व्यक्त केला जातोय.
महत्त्वाच्या बातम्या
