Gold Silver Price : सोनं- चांदी खरेदीसाठी जाण्यापूर्वी एका क्लिकवर नक्की पाहा आजचे दर
सोन्या चांदीच्या खरेदीला काहीसा ब्रेक लागला असता तरीही लग्नघरांमध्ये मात्र काही प्रमाणात दागदागिन्यांची खरेदी सुरु आहे
Gold Silver Price : सोन्या चांदीच्या खरेदीला काहीसा ब्रेक लागला असता तरीही लग्नघरांमध्ये मात्र काही प्रमाणात दागदागिन्यांची खरेदी सुरु आहे. अर्थात या खरेदीमध्ये मोठ्या प्रमाणात घट झालेली आहे ही बाब मात्र नाकारता येणार नाही. सध्या सराफा बाजारांमध्ये कमालीची शांतता आहे. याला कारण ठरत आहे सोनं- चांदीच्या दरांमध्ये असणारी अस्थितरता. काही किरकोळ प्रमाणात सोन्याच्या दरात होणारी घट आणि लगेचच वाढणारे दर यामुळं खरेदी करण्यावर मोठ्या प्रमाणावर परिणाम झाले आहेत.
आंतरराष्ट्रीय पटलावर घडणाऱ्या घटनांचेही या दरांवर परिणाम होत आहेत. 'गुड रिटर्न्स'च्या वेबसाईनं प्रसिद्ध केलेल्या वृत्तानुसार मुंबईत आजच्या दिवशी, 22 कॅरेट प्रती तोळ्यासाठी सोन्याच्या दरात 10 रुपयांनी वाढ झाली आहे. तर, दिल्लीमध्ये हे दर 46770 रुपये प्रती तोळा (22 कॅरेट) इतके आहेत.
iQOO 7 5G फोन स्वस्तात खरेदी करण्याची संधी; पाहा फोनची किंमत आणि फीचर्स
देशातील महत्त्वाच्या शहरांमध्ये 22 कॅरेट सोन्याचे दर किती?
मुंबई - 46600
दिल्ली - 46770
बंगळुरू - 45820
चंदीगढ- 46770
कोलकाता - 48180
नाशिक- 46,600
सोमवारी देशात चांदीच्या दरात फारसा फरक दिसून आला नाही. रविवारप्रमाणेच आजही चांदीचे दर किलो चांदीसाठी 71600 रुपये मोजावे लागणार आहेत.
इंडियन बुलियन ज्वेलर्स असोसिएशनकडून मुंबईतील सोन्याचा दर ठरवला जातोय. त्यामध्ये स्थानिक आयात कर आणि MCX या कमोडिटी मार्केटचा विचार केला जातो. MCX हे देशातील सर्वात मोठे कमोडिटी मार्केट असून या ठिकाणी सोन्याचा भाव ठरवला जातो.
ऑगस्ट महिन्यात सोन्याच्या दरानं गाठलेली विक्रमी उंची
ऑगस्ट 2020 मध्ये सोन्याच्या भावाने प्रती 10 ग्रॅमसाठी 56 हजार रुपयांचा विक्रमी आकडा गाठला होता. त्यानंतर सोन्याच्या भावामध्ये आता जवळपास 11 हजारांहून जास्त रुपयांची घसरण झाल्याची पहायला मिळतंय.
महत्त्वाच्या बातम्या
