Share Market : आठवड्याच्या पहिल्या दिवशी भारतीय शेअर बाजारात (BSE) मोठी घसरण पाहायला मिळाली. जागतिक बाजारानुसार देशांतर्गत बाजारात घसरण आहे. आज आठवड्याच्या पहिल्या दिवशी शेअर बाजार घसरणीने उघडला. सेन्सेक्स आता केवळ 96 अंकांच्या घसरणीसह 62085 वर तर निफ्टी 31 अंकांच्या घसरणीसह 18,465 वर व्यापार करत आहे. सुरुवातीच्या व्यवहारात सेन्सेक्समध्ये 500 हून अधिक अंकांची घसरण दिसून आली होती.
'या' व्यापाराला सर्वाधिक नुकसान
आयटी, धातू, रिअॅलिटी आणि ग्राहकोपयोगी वस्तू या निर्देशांकात सर्वाधिक घसरण झाली आहे. इन्फोसिस, एशियन पेंट्स, टायटन, टाटा कन्सल्टन्सी सर्व्हिसेस आणि बजाज फायनान्सला सर्वाधिक नुकसान झाले आहे. सेन्सेक्स आता केवळ 96 अंकांच्या घसरणीसह 62085 वर तर निफ्टी 31 अंकांच्या घसरणीसह 18,465 वर व्यापार करत आहे.
फेडरल रिझर्व्हवर दबाव वाढला
अमेरिकेत मंदीचा धोका हळूहळू वाढताना दिसत आहे, त्यामुळे डाओ फ्युचर्स लाल चिन्हावर आहेत. 13-14 डिसेंबर रोजी फेडरल रिझर्व्हची चलनविषयक धोरण बैठक होणार आहे. 13 डिसेंबर रोजी, CPI म्हणजेच किरकोळ महागाईचा डेटा देखील तेथे जारी केला जाईल. बाजाराचा अंदाज आहे की, व्याजदरात 50 बेसिस पॉइंट्सची वाढ होईल. त्यामुळे भावना नकारात्मक झाल्या आहेत. डॉलर निर्देशांक 104.80 वर आहे. कच्चे तेल प्रति बॅरल $77 च्या खाली आहे.
या शेअर्सनी 52 आठवड्यांचा उच्चांक गाठला
बाजारातील घसरण असूनही, निफ्टी 500 मध्ये समाविष्ट असलेल्या काही शेअर्सच्या किंमती आज 52 आठवड्यांच्या उच्चांकावर व्यवहार करताना दिसल्या. यामध्ये रेडिंग्टन, गॉडफ्रे फिलिप्स, युनायटेड ब्रुअरी, आयआयएफएल फायनान्स आणि लक्ष्मी मशीन यांचा समावेश आहे.
शेअर्समध्ये मोठी घसरण
शुक्रवारनंतर सोमवारच्या ट्रेडिंग सत्रात भारतीय बाजाराला खाली आणण्यात आयटी शेअर्सचा मोठा वाटा आहे. इन्फोसिस 1.98 टक्क्यांनी, TCS 1.53 टक्क्यांनी आणि विप्रो 1.22 टक्क्यांनी घसरत आहे. सेन्सेक्समध्ये फक्त आयटीसी आणि डॉ रेड्डीज लॅबचे शेअर्स हिरव्या चिन्हात व्यवहार करत आहेत.
प्री-ओपनिंग ट्रेडमध्ये बाजार घसरला
भारतीय शेअर बाजार सुरुवातीपूर्वीच्या ट्रेडिंग सत्रात स्थिरावला होता. त्यानंतर भारतीय शेअर बाजार घसरणीसह उघडला. BSE सेन्सेक्स 0.66 टक्क्यांनी घसरून 411 वर तर निफ्टी 94 अंकांनी खाली 18,402 अंकांवर स्थिरावला.
परदेशी गुंतवणूकदारांकडून विक्री
गेल्या आठवड्यात परदेशी गुंतवणूकदारांनी मोठ्या प्रमाणात विक्री केली होती. गेल्या आठवड्यात विदेशी गुंतवणूकदारांनी 4300 कोटी रुपयांची विक्री केली होती. एफआयआयने डिसेंबरमध्ये 5657 कोटी रुपयांची विक्री केली आहे. त्याचबरोबर देशांतर्गत गुंतवणूकदारांनी खरेदी केली आहे. DII ने 3710 कोटी रुपयांची खरेदी केली आहे.