Share Market Opening Bell: शेअर बाजारात गुंतवणूकदारांची दिवाळी; सेन्सेक्स 1000 अंकांनी वधारला
Share Market Opening Bell: भारतीय शेअर बाजाराची आज चांगली सुरुवात झाली. सेन्सेक्स 1000 अंकांनी वधारला.
Share Market Opening Bell: गुरुवारी मोठी पडझड झाल्यानंतर आज शेअर बाजाराची दणक्यात (Share Market Opening Bell) सुरुवात झाली. आज गुंतवणूकदारांकडून खरेदी जोर दिसला. त्यामुळे बाजार सुरू होताच सेन्सेक्स (BSE Sensex) आणि निफ्टीत (NSE Nifty) मोठी तेजी दिसून आली. प्री-ओपनिंग सत्रात सेन्सेक्स आणि निफ्टी वधारले होते.
आज, सकाळी बाजारातील व्यवहारांना सुरुवात झाली तेव्हा मुंबई शेअर बाजाराचा निर्देशांक सेन्सेक्स 58,162.74 अंकांवर आणि राष्ट्रीय शेअर बाजाराचा निर्देशांक निफ्टी 17,322.30 अंकांवर खुला झाला. सकाळी 9.30 वाजण्याच्या सुमारास सेन्सेक्स 973 अंकांनी वधारत 58,208.43 अंकावर तर, निफ्टी 278 अंकांनी वधारत 17,292.35 अंकांवर व्यवहार करत होता.
निफ्टी बँक इंडेक्स 2.22 टक्के, निफ्टी आयटीमध्ये 2.24 टक्क्यांची तेजी दिसून आली. निफ्टी 50 मधील सर्व 50 कंपन्यांच्या शेअरमध्ये तेजी दिसून आली. तर, सेन्सेक्समध्ये 30 पैकी 24 कंपन्यांच्या शेअर दरात तेजी दिसत असून 6 शेअर कंपन्यांचे शेअर दर घसरले आहेत.
अमेरिकन शेअर बाजारात तेजी
गुरुवारी अमेरिकन शेअर बाजारात मोठी उसळण दिसून आली. बुधवारी अमेरिकन शेअर बाजारात अस्थिरता दिसून आली. त्यानंतर गुरुवारी तेजी दिसून आली. अमेरिकन शेअर बाजाराचा निर्देशांक डाऊ 827 अंकांनी वधारून 30,038.72 अंकावर स्थिरावला.
प्री-ओपनिंग सत्रात तेजी
शेअर बाजारातील प्री-ओपनिंग सत्रात सेन्सेक्स 605 अंकांच्या तेजीसह 57840 अंकांवर व्यवहार करत होता. तर, एनएसईचा निफ्टी 257 अंकांच्या तेजीसह 17271 अंकांवर व्यवहार करत होता.
गुरुवारी बाजारात घसरण
गुरुवारी, शेअर बाजारात नफावसुली दिसून आली. त्यामुळे बाजारात घसरण झाली. सेन्सेक्समध्ये (Sensex) 390 अंकांची घसरण दिसून आली. तर, राष्ट्रीय शेअर बाजाराचा निर्देशांक निफ्टीमध्ये (Nifty) 109 अंकांची घसरण दिसून आली. दिवसअखेर सेन्सेक्स 57,235 अंकांवर स्थिरावला तर, निफ्टी 17,014 अंकांवर बंद झाला होता. 3562 कंपन्यांपैकी 1309 कंपन्यांच्या शेअर दरात तेजी दिसून आली. तर, 2119 शेअर दरात घसरण नोंदवण्यात आली. 134 कंपन्यांच्या शेअर दरात कोणताही बदल नोंदवण्यात आला नाही.
महत्त्वाच्या बातम्या
