Share Market Opening Bell : शेअर बाजारात आज बाजार वधारला (Share Market) असला तरी अस्थिरतेचे संकेत दिसत आहेत. प्री-ओपनिंगमध्ये बाजारात तेजी दिसून आली होती. त्यानंतरही सेन्सेक्स (Sensex) आणि निफ्टी (Nifty) निर्देशांक वधारला होता. मात्र, त्यात घसरण झाली. सेन्सेक्स आज 59,285 अंकावर आणि निफ्टी 17,695 अंकांवर खुला झाला होता.
शेअर बाजारातील व्यवहार सुरू झाला तेव्हा सेन्सेक्सने 59,566 चा टप्पा गाठला. तर, निफ्टीने 17700 अंकांचा टप्पा गाठला. सकाळी 10 वाजण्याच्या सुमारास सेन्सेक्स निर्देशांक 12.40 अंकांनी वधारत 59,258.38 अंकांवर व्यवहार करत होता. निफ्टी निर्देशांक 4 अंकांच्या तेजीसह 17,670.55 अंकांवर व्यवहार करत होता.
सुरुवातीच्या व्यवहारात सेन्सेक्समधील 30 पैकी फक्त 3 कंपन्यांच्या शेअर दरात घसरण झाली होती. त्यानंतर निफ्टी 50 मधील एक कंपनीच्या शेअर दरात घसरण दिसून आली. बँक निफ्टीतही 164 अंकांची तेजी दिसून आली.
सेन्सेक्समधील पॉवरग्रीडमध्ये सर्वाधिक 1.50 टक्क्यांची तेजी दिसून आली. तर, रिलायन्समध्येही एक टक्क्यांची तेजी दिसत आहे. त्याशिवाय, एल अॅण्ड टी, भारती एअरटेल, मारूती, बजाज फायनान्स, एचयूएल, एचडीएफसी बँकेच्या शेअर दरात तेजी दिसत आहे. त्याशिवाय, टायटन, एचडीएफसी, महिंद्रा अॅण्ड महिंद्रा, आयसीआयसीआय बँक, अल्ट्राटेक सिमेंट, अॅक्सिस बँक, एशियन पेंट्स, एसबीआय, बजाज फिनसर्व्ह, इंडसइंड बँक, आयटीसी, एचसीएल, सन फार्मा, टाटा स्टील आणि इन्फोसिसच्या शेअर दरात तेजी दिसून येत आहे.
कोटक महिंद्रा, टीसीएस, टेक महिंद्रा, नेस्ले आणि विप्रोच्या शेअर दरात घसरण झाली आहे.
सोमवारी बाजारात तेजी
खरेदीचा जोर असल्याने शेअर बाजारात (Share Market) सोमवारी तेजी दिसून आली. सेन्सेक्सने (Sensex) पुन्हा एकदा 59, 000 अंकांचा टप्पा ओलांडला. बाजार बंद झाला तेव्हा मुंबई शेअर बाजाराचा निर्देशांक सेन्सेक्स 442 अंकांच्या तेजीसह 59,245 अंकांवर, तर नॅशनल स्टॉक एक्सचेंजचा निर्देशांक (NSE) निफ्टीमध्ये (NIFTY) 126 अंकांची तेजी दिसून आली. निफ्टी 17,665 अंकांवर बंद झाला. बँक निफ्टीतही सर्व 12 स्टॉक्समध्ये तेजी दिसली.
इतर महत्त्वाच्या बातम्या: