Pradhanmantri Suryoday Yojana : पंतप्रधान नरेंद्र मोदी (PM Narendra Modi) यांनी जनतेला आणखी एक भेट दिली आहे. अयोध्येतील राम मंदिराच्या राम मंदिर (Ayodhya Ram Mandir) प्राणप्रतिष्ठा (Pran Pratishtha) सोहळ्यानंतर पंतप्रधान मोदी यांनी मोठा निर्णय घेतला आहे. पंतप्रधान मोदी यांनी 22 जानेवारीला पंतप्रधान सूयोदय योजनेची (Pradhan Mantri Suryoday Yojana) घोषणा केली आहे. पंतप्रधान मोदी यांनी सोशल मीडिया पोस्टद्वारे या योजनेबाबत माहिती दिली आहे.
प्रधानमंत्री सूर्योदय योजनेची घोषणा (Pradhan Mantri Suryoday Yojana)
अयोध्येतील (Ayodhya Ram Temple) राम मंदिरात प्राणप्रतिष्ठा सोहळ्यानंतर पंतप्रधान नरेंद्र मोदी यांनी नवीन योजना जाहीर केली होती. पंतप्रधान नरेंद्र मोदी यांनी प्रधानमंत्री सूर्योदय योजनेची घोषणा केली. प्रधानमंत्री सूर्योदय योजनेत लोकांना वीज बिलातून दिलासा मिळणार आहे. गरीब आणि मध्यमवर्गीय लोकांचे वीज बिल कमी करणे हा या योजनेचा उद्देश आहे. या योजनेबाबत सविस्तर माहिती आणि तपशील जाणून घ्या.
पंतप्रधान सूर्योदय योजना काय आहे? (What is Pradhan Mantri Suryodaya Yojana)
पंतप्रधान सूर्योदय योजनेअंतर्गत (What is PM Suryodaya Yojana) सरकारकडून एक कोटीहून अधिक घरांवर सोलर पॅनेल बसवण्यात येणार आहे. देशात दुर्गम भागातील घराघरात वीज पोहोचावी आणि वीज बिलाचा भार कमी व्हावा, यासाठी सरकारकडून ही खास योजना राबवण्यात येत आहे. घरावर बसवलेल्या सोलर पॅनल सिस्टिममुळे वीजनिर्मितीचं साझन उपलब्ध होणार आहे, या वीजेचा वापर घरगुती कामात करता येईल. गरीब आणि मध्यमवर्गीय कुटुंबांसाठी ही योजना सुरु करण्यात आली आहे.
योजनेची पात्रता (PM Suryodaya Yojana Eligibility)
- या योजनेचा लाभ फक्त भारतीयांनाच मिळणार आहे.
- या योजनेसाठी अर्जदाराचे वार्षिक उत्पन्न 1 किंवा 1.5 लाख रुपयांपेक्षा जास्त नसावं.
- अर्ज करताना सर्व कागदपत्रे बरोबर असणे आवश्यक आहे.
- अर्जदार कोणत्याही सरकारी सेवेशी संबंधित नसावा.
आवश्यक कागदपत्रे (Important Documents for PM Suryodaya Yojana)
- आधार कार्ड
- पत्त्याचा पुरावा
- वीज बिल
- उत्पन्न प्रमाणपत्र
- मोबाईल नंबर
- बँक पासबुक
- पासपोर्ट आकाराचा फोटो
- शिधापत्रिका
अर्ज कसा करायचा? (How to Apply for Pm Suryodaya Yojana)
- पंतप्रधान सूर्योदय योजनेसाठी अर्ज करण्यासाठी तुम्हाला प्रधानमंत्री सूर्योदय योजनेच्या https://solarrooftop.gov.in या अधिकृत पोर्टलवर जावे लागेल.
- यानंतर तुम्हाला होम पेजवर Apply निवडा.
- आता तुमचे राज्य आणि जिल्हा निवडा आणि उर्वरित माहिती प्रविष्ट करा.
- यानंतर तुम्ही वीज बिल क्रमांक भरा.
- वीज खर्चाची माहिती आणि मूलभूत माहिती भरल्यानंतर, सौर पॅनेल तपशील प्रविष्ट करा.
- आता तुमच्या छताचे क्षेत्रफळ मोजा आणि भरा.
- तुम्हाला छताच्या क्षेत्रानुसार सोलर पॅनेल निवडून लावावे लागतील. आता अर्ज सबमिट करा.
- अर्ज पूर्ण केल्यानंतर, सरकार या योजनेअंतर्गत सौर पॅनेल बसवण्यासाठी अनुदानाची रक्कम तुमच्या बँक खात्यात जमा करेल.
महत्त्वाच्या इतर बातम्या :