'ही' चूक टाळा अन्यथा होणार मोठा तोटा, LIC चा करोडो पॉलिसीधारकांना इशारा, ग्राहकांनी नेमकं काय करावं?
भारतीय आयुर्विमा महामंडळ (LIC) ने आपल्या ग्राहकांना आणि पॉलिसीधारकांना सावधगिरी बाळगण्यासंदर्भात सूचना केली आहे. अनेक ठिकाणी बनावट मोबाईल अॅप्लिकेशन्स प्रसारित केले जात आहेत.
LIC Policyholders Alert: भारतीय आयुर्विमा महामंडळ (LIC) ने आपल्या ग्राहकांना आणि पॉलिसीधारकांना सावधगिरी बाळगण्यासंदर्भात सूचना केली आहे. अनेक ठिकाणी बनावट मोबाईल अॅप्लिकेशन्स प्रसारित केले जात आहेत. LIC ने एक नोटीस जारी करून ग्राहकांना फक्त अधिकृत वेबसाइट www.licindia.in किंवा LIC डिजिटल ॲप द्वारे व्यवहार करण्याची विनंती केली आहे. तसेच, केवळ मान्यताप्राप्त, वैध अॅप ज्याचे तपशील LIC च्या अधिकृत वेबसाइटवर दिलेले आहेत तेच वापरण्याच्या सूचना दिल्या आहेत.
पॉलिसीधारकांसाठी एलआयसीचा इशारा
LIC ने एक नोटीस जारी केली आहे ज्यामध्ये ग्राहकांना फक्त अधिकृत वेबसाइट www.licindia.in किंवा LIC डिजिटल ॲप द्वारे व्यवहार करण्याची विनंती केली आहे. तसेच, केवळ मान्यताप्राप्त, वैध अॅप वापरण्याची विनंती केली आहे. एलआयसी इंडियाने सोशल मीडियावर एक पोस्ट व्हायरल केली आहे. यामध्ये म्हटले आहे की, एलआयसीच्या नावाने बनावट मोबाइल ॲप्लिकेशन्स प्रसारित केले जात आहेत. आम्ही सर्व पॉलिसीधारक आणि ग्राहकांना LIC ऑफ इंडियाच्या अधिकृत वेबसाइट (www.licindia.in) किंवा LIC डिजिटल ॲप आणि आमच्या वेबसाइट www.licindia.in वर व्यवहार करण्याचे आवाहन केले आहे. कोणत्याही पर्यायी डिजिटल प्लॅटफॉर्मद्वारे केलेल्या कोणत्याही पेमेंटसाठी LIC ऑफ इंडिया जबाबदार राहणार नसल्याचे म्हटलं आहे
ग्राहकांनी काय करावं?
फक्त LIC चे अधिकृत मोबाईल ऍप्लिकेशन डाउनलोड करा.
सर्व पेमेंट आणि व्यवहारांसाठी फक्त www.licindia.in किंवा LIC डिजिटल ॲप वापरा.
कोणतेही संशयास्पद ॲप किंवा वेबसाइट दिसल्यास, ताबडतोब LIC ग्राहक सेवेशी संपर्क साधा.
डिजिटल व्यवहार करताना सायबर सुरक्षेची काळजी घ्या आणि फसवणूक टाळा.
एलआयसी पॉलिसीधारकांना मदत कोठे मिळेल?
LIC (लाइफ इन्शुरन्स कॉर्पोरेशन ऑफ इंडिया) कोणत्याही आपत्कालीन परिस्थितीत किंवा फसवणूक झाल्यास, आपण या विविध मार्गांनी विमा कंपनीकडून मदत घेऊ शकता. तुम्हाला काही समस्या असल्यास किंवा LIC पॉलिसीशी संबंधित माहिती हवी असल्यास, तुम्ही यापैकी कोणतीही पद्धत अवलंबू शकता.
1. एलआयसीची अधिकृत वेबसाइट
तुम्ही www.licindia.in वर भेट देऊन पॉलिसी स्टेटस, प्रीमियम पेमेंट, ग्राहक सेवा, दावे आणि इतर माहिती मिळवू शकता.
2. LIC ग्राहक सेवा क्रमांक
टोल-फ्री क्रमांक: 1800-267-9090 (सोमवार ते शुक्रवार, सकाळी 8:00 ते रात्री 8:00)
3. जवळच्या LIC शाखेला भेट द्या
तुमच्या शहराच्या किंवा परिसरातील जवळच्या LIC शाखेला भेट देऊन तुम्ही थेट अधिकाऱ्यांकडून मदत मिळवू शकता.
4. LIC ईमेल सपोर्ट
तुम्ही तुमची समस्या किंवा तक्रार grievance@licindia.com वर पाठवू शकता.
5. LIC हेल्प डेस्क (SMS सेवा)
LIC ची SMS सेवा वापरून ग्राहक ASKLIC <पॉलिसी नंबर> 9222492224 किंवा 56767877 वर पाठवू शकतात.
महत्त्वाच्या बातम्या
