Home Loan Repayment Tips: गृहकर्ज लवकर फेडायचे आहे? वापरा 'या' तीन स्मार्ट पद्धती  

Home Loan Repayment Tips : गृहकर्जाची लवकर फेड करायची असेल तर काही पद्धतींचा अवलंब केला पाहिजे. या पद्धतींचा अवलंब केल्यास तुम्ही तुमचे गृह कर्ज (Home Loan) लवकरात लवकर फेडू शकाल.

HOME LOAN

Home Loan Repayment Tips : घराचं स्वप्न पूर्ण करण्यासाठी अनेक जण होम लोन (Home Loan) म्हणजेच गृह कर्ज घेतात. होम लोन घेतल्यानंतर दर महिन्याला कर्जाचा हप्ता न चुकता भरावा लागतो. त्यातच आरबीआयने रेपो रेट वाढवल्यामुळे कर्जाचा हप्तादेखील वाढला आहे. याचा अनेकांच्या महिन्याच्या बजेटवर परिणाम होत आहे. परंतु, काही पद्धतींचा अवलंब केला तर तुम्ही लवकरात लवकर आपल्या कर्जातून मुक्त होऊ शकता. जाणून घेऊया या काही टिप्स... 

Home Loan Repayment Tips : वर्षातून किमान एकदा पार्ट पेमेंट करा

तुम्ही गृहकर्ज घेतले असेल तर तुम्ही वर्षातून एकदा तरी पार्ट पेमेंट केले पाहिजे. म्हणजे एक हप्ता जास्तीचा भरला पाहिजे. गृहकर्जाच्या 20 ते 25 टक्के अशी परतफेड केल्यास तुमच्या कर्जाचा EMI मोठ्या प्रमाणात कमी होईल. या बरोबरच शक्य असल्यास तुम्ही ईएमआयचा कालावधी देखील कमी करू शकता. त्यासाठी वर्षातून एकदा किंवा तुमच्याकडे जेव्हा पैसे येतील त्यावेळी तुम्ही जास्तीचा हप्ता भरू शकता.  

Home Loan Repayment Tips : उच्च गृह कर्ज EMI

तुम्ही गृहकर्ज घेता तेव्हा बँका तुम्हाला दोन पर्याय देतात. कमी ईएमआय देऊन तुम्ही दीर्घ कालावधीसाठी कर्जाची परतफेड करू शकता. दुसरीकडे दुसऱ्या पर्यायामध्ये तुम्ही दरमहा अधिक EMI देऊन कमी वेळेत कर्जाची परतफेड करू शकता. कर्जदार दरवर्षी EMI 10 टक्क्यांनी वाढवू शकतात. यालाच उच्च गृह कर्ज इएमआय वाढवू शकता.  

Home Loan Repayment Tips : कमी कालावधीत कर्जाची परतफेड करा 

कर्जदार कमी कालावधीत गृहकर्जाची परतफेड करू शकतात. यासाठी तुम्हाला जास्त ईएमआय द्यावा लागणार असला तरी तुम्हाला कर्जावर कमी व्याज द्यावे लागेल. या पद्धतींचा अवलंब केल्यास तुमचे कर्ज लवकर फेडले जाईल. 

Home Loan Repayment Tips : ईएमआय चुकला तर? 

तुम्ही गृहकर्जाचा कोणताही EMI भरण्यास उशीर केल्यास तुम्हाला दंड भरावा लागू शकतो. तसेच तुमचा क्रेडिट स्कोर देखील कमी होऊ शकतो. त्यामुळे हप्ता चुकू देऊ नका. याशिवाय तुम्ही संपूर्ण कर्जावर कर सवलतीचा दावा देखील करू शकता. या सर्व पद्धतींचा अवलंब केला तर तुम्ही तुमचे गृह कर्ज लवकरात लवकर फेडू शकाल.  

 

महत्वाच्या बातम्या