सोन्या चांदीचे दर विक्रमी पातळीवर, खरेदीदारांना मोठा दणका, 10 ग्रॅम सोन्यासाठी मोजावे लागतात 'एवढे' पैसे
सध्या देशभरात लग्नाचा हंगाम सुरू आहे. अशातच सोन्या-चांदीचे भाव विक्रमी पातळीवर पोहोचले आहेत.
Gold Silver Rate : सध्या देशभरात लग्नाचा हंगाम सुरू आहे. अशातच सोन्या-चांदीचे भाव विक्रमी पातळीवर पोहोचले आहेत. बुलियन असोसिएशनचे उपाध्यक्ष अनिकेश गुप्ता यांनी दिलेल्या माहितीनुसार सोने 87 हजार आणि चांदी 96 हजार किलो झाली आहे. सध्या सोने 87 हजार प्रति 10 ग्रॅम (1 ग्रॅम - 8700 रुपये) आहे, तर चांदी 96 हजार रुपये प्रति किलो आहे. त्यामुळे सोने-चांदीचे दागिने खूप महाग असतात. अमेरिकेत नवे सरकार स्थापन झाल्यानंतर बाजारातील वाढीकडे दुर्लक्ष करता येणार नाही हे नक्की. सोन्या-चांदीच्या वाढत्या किमतींवर याचा परिणाम नक्कीच झाला आहे.
लग्न आणि इतर शुभ कार्यक्रमात भेटवस्तू म्हणून सोने आणि चांदी देण्याची परंपरा आहे. विशेषत: लोक वधू-वरांना सोन्या-चांदीचे दागिने देऊन शुभ कार्यक्रमाला शुभ करतात. मात्र व्यापाऱ्यांकडून मिळालेल्या माहितीनुसार, लग्नसराईचा हंगाम असूनही सराफा व्यवसायाला तशी गती होताना दिसत नाही. इतर सणांव्यतिरिक्त सराफा व्यवसायासाठी लग्नाचा हंगाम खूप महत्त्वाचा असतो. सोन्या-चांदीच्या वाढत्या किमतीचा परिणाम बाजारात स्पष्टपणे दिसून येत आहे.
सोन्या चांदीच्या दरात सातत्यानं वाढ
गेल्या अनेक दिवसांपासून सोन्याच्या दरात मोठी वाढ होत असल्याचा चित्र आपल्याला पाहायला मिळत आहे. यामुळं सर्वसामान्य नागरिकांना सोनं घेणं परवड नाही. मात्र, दुसऱ्या बाजूला मोठ्या संस्था, श्रीमंत लोक मोठ्या प्रमाणात सोन्याची खरेदी करताना दिसत आहेत. कारण, सोन्यामध्ये केलेली गुंतवणूक नागरिकांना फायद्याची ठरत आहे. कारण दिवसेंदिवस सोन्याचे दर वाढतच आहेत. यामुळं सोन्यात केलेली गुंतवणूक फायद्याची ठरत आहे. दुसऱ्या बाजदुला सर्वसामान्य लोकांना सोन्याची खरेदी करणं शक्य नाही. त्यामुळं सोन्याच्या किंमती कधी कमी होणार असा सवाल देखील उपस्थित केला जात आहे.
जुने सोन्याचे दागिने वितळवून नवीन सोन्याचे दागिने तयार करण्याचा ट्रेंड
जुने सोन्याचे दागिने वितळवून नवीन सोन्याचे तयार करण्याच्या कामात मोठी वाढ होताना दिसत आहे. कारण देशात सोन्याच्या किमतीत प्रचंड वाढ झाल्यानंतर नवीन सोन्याचे दागिने खरेदी करण्यासाठी ग्राहकांकडे फारच कमी पर्याय उरले आहेत. जड सोन्याच्या दागिन्यांसाठी जुन्या दागिन्यांची देवाणघेवाण करण्याचा ट्रेंड वाढला आहे. जड सोन्याच्या दागिन्यांवर मोठा खर्च टाळण्याचा मार्ग दागिने खरेदीदारांनी शोधला असून त्याचा परिणाम देशाच्या सराफा बाजारावरही दिसून येत आहे. घरांमध्ये ठेवलेले जुने सोन्याचे दागिने वितळवून त्यांच्या उच्च किंमतीच्या आधारे नवीन दागिने बनवण्याचा आणि खरेदी करण्याचा ट्रेंड वाढला आहे.
महत्त्वाच्या बातम्या
