FMCG Companies: देशभरात झपाट्याने वाढणाऱ्या महागाईला तोंड देण्यासाठी FMCG कंपन्यांनी नवीन योजना आखली आहे. महागाईचे आव्हान पेलण्यासाठी दैनंदिन वापरातील वस्तूंचे उत्पादन करणाऱ्या कंपन्यांनी उत्पादनाचे वजन कमी करण्याचा निर्णय घेतला आहे. याशिवाय कंपन्यांनी 'ब्रिज पॅक'ही लॉन्च केले आहेत. ब्रिज पॅक म्हणजे कोणत्याही उत्पादनातील सर्वात अधिक आणि कमी यामधील किंमतीचे उत्पादन असते.
उत्पादनांच्या किंमतीत किती वाढ?
वस्तूंचे वजन कमी केल्यामुळे या कंपन्यांना पॅकेज केलेल्या उत्पादनांच्या किमती वाढवाव्या लागल्या नाहीत. कमी उत्पन्न गटातील ग्राहकांना लक्ष्य करून कंपन्या असे पाऊल उचलत आहेत. याशिवाय या कंपन्यांनी उत्पादनाच्या मोठ्या पॅकेटच्या किमतीत वाढ केली आहे. मात्र, ही वाढही 10 टक्क्यांपेक्षा कमी आहे.
स्वस्त पॅकेजिंगचे केले जात आहे वापर
इंडोनेशियामधून पाम तेल निर्यातीवर बंदी आणि रशिया-युक्रेन युद्धामुळे उद्भवलेल्या भू-राजकीय संकटामुळे बांधकाम खर्चात प्रचंड वाढ झाली आहे. याचा सामना करण्यासाठी, FMCG उत्पादक स्वस्त पॅकेजिंग, पुनर्नवीनीकरण उत्पादने वापरत आहेत. तसेच जाहिरात आणि विपणन खर्चात कपात करत आहेत.
उत्पादनांच्या वजनात करण्यात येत आहे कपात
येत्या तिमाहीत महागाई कमी होण्याची चिन्हे नाहीत. अशा परिस्थितीत अनेक कंपन्यांनी किमती वाढवण्याऐवजी उत्पादनांच्या वजनात कपात केली आहे. पार्ले प्रॉडक्ट्सचे वरिष्ठ श्रेणी प्रमुख मयंक शाह म्हणाले की, ग्राहकांचा कल व्हॅल्यू पॅककडे वळला आहे आणि LUP पॅकची विक्री काही प्रमाणात वाढली आहे. एडलवाईस फायनान्शियल सर्व्हिसेसचे कार्यकारी उपाध्यक्ष अबनीश रॉय म्हणाले की, पैसे वाचवण्यासाठी ग्राहक लहान पॅक खरेदी करत आहेत आणि हे सर्व FMCG श्रेणींमध्ये होत आहे.
इतर महत्वाच्या बातम्या: