EPFO : एटीएम आणि यूपीआयद्वारे PF चे पैसे कसे काढायचे? जाणून घ्या प्रक्रिया, जूनमध्ये नवी प्रणाली लाँच होण्याची शक्यता
EPFO : कर्मचारी भविष्य निर्वाह निधी संघटनेकडून जून महिन्यात नवी प्रणाली लागू केली जाण्याची शक्यता आहे. त्यानंतर एटीएम आणि यूपीआयद्वारे पैसे काढण्याची सुविधा सुरु होऊ शकते.
नवी दिल्ली : कर्मचारी भविष्य निर्वाह निधी संघटना म्हणजेच ईपीएफओकडून नवा प्लॅटफॉर्म लाँच केला जाऊ शकतो. ईपीएफओ 3.0 प्लँटफॉर्म लाँच करण्याची तयारी पूर्ण करण्यात आली आहे. नवा प्लॅटफॉर्म लाँच केल्यानंतर खातेदारांना पीएफ खात्यातील रक्कम काढण्यासाठी मोठी प्रक्रिया आवश्यक नसेल. ईपीएफओचा नवा प्लॅटफॉर्म लाँच झाल्यानंतर खातेदारांना एटीएम आणि यूपीआयद्वारे पैसे काढता येऊ शकतात.
डीडी न्यूजच्या वृत्तानुसार जून 2025 पासून ईपीएफ खातेदार यूपीआय किंवा एटीएमच्या माध्यमातून पीएफची रक्कम काढू शकतात. कर्मचारी भविष्य निर्वाह निधी संघटना त्यांच्या खातेदारांना चांगली सुविधा देण्यासाठी EPFO 3.0 प्लॅटफॉर्म लाँच करणार आहे. ऑटो क्लेम सेटलमेंट, डिजिटल करेकशन, एटीएम बेस्ड फंड विड्रॉल आणि यूपीआयद्वारे पीएफ रक्कम काढण्याची सुविधा प्राप्त होईल.
नव्या सुविधांनुसार ईपीएफ सदस्य यूपीआय आणि एटीएमद्वारे पैसे काढू शकतील. याशिवाय पीएफ शिल्लक रक्कम देखील तपासू शकतात. खातेदार त्यांच्या पसंतीच्या बँक खात्यात पीएफची रक्कम वर्ग देखील करु शकतात. नवी प्रणाली सुरक्षित असेल, ओटीपी पडताळणीद्वारे ईपीएफ खातं अपडेट करु शकतात.
ATM द्वारे पीएफचे पैसे कसे काढता येणार?
कर्मचारी भविष्य निर्वाह निधी संघटना पीएफ खातेदारांना विड्रॉल कार्ड दिले जातील. जे एटीएम कार्ड सारखे असतील. हे कार्ड पीएफ खात्यासोबत लिंक असेल. जेवढी रक्कम काढायची असेल त्यासाठी ऑनलाईन क्लेम करावा लागेल. आता 90 टक्के दावे ऑटोमेटिक सेटल होतात. 3 दिवसात क्लेम सेटल होतो.ज्यामुळं सबस्क्रायबर्स एटीएम कार्डद्वारे पीएफ खात्यातून पैसे काढता येतील.पीएफ खात्यातील शिल्लक रक्कम काढणं मात्र जे कारण दिलं असेल त्याच्याशी निगडित असेल.
पीएफ खात्यातून पैसे काढण्यासाठी तुमचा यूएएन क्रमांक सक्रीय असणं आवश्यक आहे. यूएएन क्रमांक मोबाईलशी लिंक असला पाहिजे. यूएएनसोबत केवायसी कागदपत्रं आधार कार्ड, पॅन क्रमांक आणि खाते नंबर, आयएफसी क्रमांकासोबत लिंक असणं आवश्यक आहे. याशिवाय पत्ता, ओळखपत्र, कॅन्सल चेक आणि आयएफएससी कोड, बँक खातं क्रमांक एटीएम यूपीआय इंटिग्रेशन असंल पाहिजे.
महत्त्वाच्या बातम्या
