पगार वाढणार, नोकऱ्याही मिळणार; 'या' क्षेत्रांत मिळणार मोठ्या संधी 

पुढील वर्षी देशात लोकसभेच्या निवडणुका होणार आहेत. त्या पार्श्वभूमीवर विविध क्षेत्रात मोठ्या प्रमाणात नोकऱ्यांची संधी मिळणार आहे. तसेच पगारवाढ होणार आहे.

Salary Increment: देशाच्या आर्थिक प्रगतीत सुधारणा (Economic progress of the country) होत आहे. विविध जागतिक रेटिंग एजन्सी आणि आर्थिक संस्थांनी भारताच्या जीडीपी (GDP) वाढीसंदर्भात चांगले अंदाज लावले आहेत. शुक्रवारी आरबीआयनेही चलनविषयक धोरणात कोणतेही बदल न करून स्थिरतेचे संकेत दिले. अशातच आता कर्मचाऱ्यांसाठीही (Employees) आनंदाची बातमी समोर आली आहे. पुढील आर्थिक वर्षात देशात सुमारे 10 टक्के पगारवाढ (salary increment) होऊ शकते. ही वाढ किंवा मूल्यमापन गेल्या वर्षीपेक्षा जास्त असेल कारण पुढील वर्षी निवडणुका होणार आहेत. त्यामुळं अर्थव्यवस्थेतील तेजी अनेक क्षेत्रांना आधार देऊ शकते. Deloitte Increments Trends सर्वेक्षणाच्या अहवालानुसार हा अंदाज व्यक्त करण्यात आला आहे.

उत्पादन क्षेत्रात तेजी येणार 

भारताची अर्थव्यवस्था वेगाने वाढत आहे. याचा खाजगी क्षेत्रात काम करणाऱ्या लोकांसाठी चांगला फायदा होणार आहे. लोकांना पदोन्नतीसह चांगली पगारवाढ होण्याची शक्यता आहे. पुढील वर्षी देशात उत्पादन क्षेत्रात खूप वाढ होईल. याशिवाय लाइफ सायन्स सेक्टरमध्ये काम करणाऱ्यांचा पगारही सर्वाधिक वाढू शकतो. त्यामुळं नोकऱ्यांची मागणी वाढेल आणि पगारही वाढेल. अहवालानुसार, गेल्या वर्षी कर्मचाऱ्यांची सरासरी पगारवाढ 9.2 टक्के होती. 2024 मध्ये ती 9.8 टक्क्यांपर्यंत वाढू शकते. पदोन्नतीची संख्या देखील वाढेल अशी अपेक्षा आहे. जेणेकरून राखीव दर अधिक चांगला ठेवता येईल. परंतु, पुढील वर्षापासून कंपन्या कर्मचाऱ्यांच्या कामगिरीवर अधिक लक्ष ठेवतील.

राजकीय स्थिरतेवरही परिणाम दिसणार

बहुतेक भारतीय कंपन्यांमध्ये, वाढीचा टप्पा एप्रिल ते जून दरम्यान असतो. गेल्या वर्षी कंपनीची कामगिरी कशी होती आणि या वर्षी त्यांना काय अपेक्षित आहे, यावर पगारातील वाढ अवलंबून आहे. याच मोसमात निवडणुकाही होणार आहेत. त्यामुळ बऱ्याच राजकीय घडामोडी घडणार आहेत. आर्थिक धोरणेही स्पष्ट होतील. त्यामुळं कंपन्या चांगली पगारवाढ देऊन देऊ शकतात.

'या' क्षेत्रात नोकरीच्या मोठ्या संधी उपलब्ध

उत्पादन, ऑटोमेशन, सिमेंट, वित्तीय सेवा, जीवन विज्ञान आणि पायाभूत सुविधा विभागांमध्ये केवळ नोकऱ्या वाढण्याची अपेक्षा नाही तर चांगली पगारवाढही होईल, असे सर्वेक्षणात अपेक्षित आहे.  मात्र, ऊर्जा क्षेत्राची एवढी चांगली स्थिती नाही. सेवा क्षेत्र, हॉस्पिटॅलिटी, एव्हिएशन आणि लॉजिस्टिक क्षेत्रातील कर्मचाऱ्यांनाही मोठा पगार मिळू शकतो. परंतु, टेलिकॉम आणि रिटेल क्षेत्राच्या सध्याच्या परिस्थितीमुळे त्यांना फारशी वाढ मिळण्याची शक्यता नाही.