दरवर्षी 74 हजार रुपये कमवण्याची मोठी संधी! पोस्ट ऑफिसची 'ही' आहे भन्नाट योजना, नेमका कसा मिळेल फायदा?
जर तुम्हाला कोणतीही जोखीम न घेता चांगले उत्पन्न कसे मिळवायचे? असा प्रश्न पडला असेल तर तुमच्यासाठी ही बातमी महत्वाची आहे.
Post Office Scheme : जर तुम्हाला कोणतीही जोखीम न घेता चांगले उत्पन्न कसे मिळवायचे? असा प्रश्न पडला असेल तर तुमच्यासाठी ही बातमी महत्वाची आहे. चांगला परतावा मिळवण्यासाठी पोस्ट ऑफिसची एक भन्नाट योजना आहे. पोस्ट ऑफिस मासिक उत्पन्न योजना (POMIS) असं या योजनेचं नाव आहे. या योजनेच्या माध्यमातून कोणत्याही जोखीमशिवाय नियमित मासिक उत्पन्न मिळवू इच्छिणाऱ्या लोकांसाठी एक चांगला पर्याय आहे.
जर तुम्हाला अशी गुंतवणूक करायची असेल जी सुरक्षित असेल आणि तुमच्यासाठी नियमित उत्पन्न म्हणूनही काम करेल. तर पोस्ट ऑफिस मासिक उत्पन्न योजना हा एक उत्तम पर्याय ठरु शकतो. या योजनेत तुम्ही एकदा पैसे जमा करता आणि दर महिन्याला तुम्हाला निश्चित व्याज म्हणून पैसे मिळत राहतात. पोस्ट ऑफिसची ही मासिक उत्पन्न योजना त्यांच्यासाठी खूप चांगली आहे ज्यांना कोणताही धोका न घेता नियमित मासिक उत्पन्न हवे आहे. या योजनेचे फायदे काय आहेत आणि या योजनेद्वारे तुम्ही दरवर्षी सुमारे 74000 रुपयांचे हमी उत्पन्न मिळवू शकता. जाणून घेऊयात याबाबतची सविस्तर माहिती.
पोस्ट ऑफिस मासिक उत्पन्न योजना (POMIS) म्हणजे काय?
पोस्ट ऑफिस मासिक उत्पन्न योजना ही एक सरकारी योजना आहे. ज्यामध्ये तुम्ही एकरकमी रक्कम जमा करता आणि नंतर दरमहा निश्चित व्याजाच्या स्वरूपात पैसे मिळवता. ज्यांना नियमित मासिक उत्पन्नाची आवश्यकता आहे त्यांच्यासाठी ही योजना विशेषतः फायदेशीर आहे.
तुम्ही योजनेत किती गुंतवणूक करु शकता?
या योजनेत तुम्ही एकल आणि संयुक्त दोन्ही खाती उघडू शकता. तुम्ही एका खात्यात जास्तीत जास्त 9 लाख रुपये जमा करु शकता. त्याच वेळी, संयुक्त खात्यात जास्तीत जास्त 15 लाख रुपये गुंतवता येतात.
जर तुम्ही आणि तुमची पत्नी एकत्रितपणे संयुक्त खाते उघडले आणि त्यात 10 लाख रुपये जमा केले तर तुम्हाला वार्षिक सुमारे 7.4 टक्के व्याज मिळेल, ज्यामुळे दरमहा सुमारे 6167 रुपये उत्पन्न मिळेल. म्हणजेच, तुमची एकूण कमाई वार्षिक सुमारे 74000 रुपये असेल. ही रक्कम थेट तुमच्या पोस्ट ऑफिस बचत खात्यात जमा केली जाते.
POMIS मध्ये गुंतवणूक कशी सुरु करावी?
या योजनेचा लाभ घेण्यासाठी तुम्हाला तुमच्या जवळच्या पोस्ट ऑफिसमध्ये जाऊन खाते उघडावे लागेल. यासाठी आधार कार्ड आणि बँक खात्याची माहिती अशी काही महत्त्वाची कागदपत्रे सोबत बाळगणे आवश्यक आहे. खाते उघडण्यासाठी किमान 1000 रुपये जमा करावे लागतील आणि नंतर तुम्ही 1000 रुपयांच्या पटीत पैसे जमा करू शकता.
मॅच्युरिटी आणि पैसे काढण्याचे नियम काय?
या योजनेचा मॅच्युरिटी कालावधी 5 वर्षे आहे. तुम्हाला हवे असल्यास, तुम्ही तो 5-5 वर्षांसाठी वाढवू शकता. जर तुम्हाला मॅच्युरिटीपूर्वी पैसे काढायचे असतील तर हे देखील शक्य आहे, परंतु त्यात काही कपातीचे नियम आहेत, त्यानुसार 1 वर्षाच्या आत पैसे काढल्यास 2 टक्के शुल्क आकारले जाईल. त्याच वेळी 3 वर्षांनंतर, परंतु मॅच्युरिटीपूर्वी, पैसे काढण्यावर 1 टक्के कपात केली जाईल.
महत्त्वाच्या बातम्या
