Share Market : आज पुन्हा शेअर बाजारात उसळण; Sensex 708 तर Nifty 205 अंकांनी वधारला

एबीपी माझा वेब टीम Updated at: 01 Apr 2022 03:42 PM (IST)

Edited By: अभिजीत जाधव

Stock Market : बँक,ऑईल अॅन्ड गॅस, रिअॅलिटी, उर्जा आणि सार्वजनिक बँकांच्या शेअर्समध्ये आज 2-3 टक्क्यांची वाढ झाली आहे.

Sensex

मुंबई: गुरुवारच्या घसरणीनंतर आज पुन्हा एकदा शेअर बाजारात तेजी दिसून आली आहे. आज शेअर बाजार बंद होताना सेन्सेक्स 708 अंकांनी तर निफ्टीही 205 अंकानी वधारला आहे. सेन्सेक्समध्ये 1.21 टक्क्यांची वाढ होऊन तो 59,337 वर पोहोचला आहे तर निफ्टीमध्ये 1.18 टक्क्यांची वाढ होऊन तो 17,688 वर पोहोचला आहे.

Continues below advertisement

आज 2564 कंपन्यांच्या शेअर्समध्ये वाढ झाली आहे तर 645 शेअर्समध्ये घसरण झाली आहे. 84 कंपन्यांच्या शेअर्सच्या किंमतीत कोणताही बदल झाला नाही.

आज बाजार बंद होताना ऑटो, मेटल, उर्जा, ऑईल अॅन्ड गॅस, बँक आयटी, फार्मा आणि रिअॅलिटी यासह सर्वच सेक्टरच्या शेअर्समध्ये 1 ते 4 टक्क्यांची वाढ झाल्याचं दिसून आलं आहे. BSE मिडकॅप आणि स्मॉलकॅपमध्येही एक टक्क्यांहून अधिक वाढ झाली आहे.

शुक्रवारी शेअर बाजारात NTPC, BPCL, Power Grid Corporation, IndusInd Bank आणि SBI या कंपन्यांच्या निफ्टीमध्ये मोठी वाढ झाली असून Hero MotoCorp, SBI Life Insurance, Sun Pharma, Tech Mahindra आणि Titan Company या कंपन्यांच्या निफ्टीमध्ये घसरण झाली आहे.

या कंपन्यांचे शेअर्स वधारले