BCPL: शेअर 100 रुपयांपेक्षा कमी, पूर्व रेल्वेकडून 4.72 कोटींच्या कामाची ऑर्डर, सोमवारी शेअरमध्ये तेजी की घसरण?

BCPL : बीसीपीएल रेल्वे इन्फ्रास्ट्रक्चर लिमिटेडला पूर्व रेल्वेकडून कामाची वर्क ऑर्डर मिळाली आहे. आता शेअरमध्ये सोमवारी तेजी येते की घसरण याकडे सर्वांचं लक्ष लागलंय.

Written By : Dalal Street Investment Journal (DSIJ) | Updated at : 07 Jun 2026 06:04 PM (IST)

BCPL Railway Infrastructure Ltd Railway Infra Company Secures Rs 4.72 crore Order from Eastern Railway BCPL: शेअर 100 रुपयांपेक्षा कमी, पूर्व रेल्वेकडून 4.72 कोटींच्या कामाची ऑर्डर, सोमवारी शेअरमध्ये तेजी की घसरण?

बीसीपीएल रेल्वे इन्फ्रास्ट्रक्चरला पूर्व रेल्वेकडून कामाची ऑर्डर

मुंबई: बीसीपीएल रेल्वे इन्फ्रास्ट्रक्चर लिमिटेडच्या शेअर चर्चेत राहण्याची शक्यता आहे. या कंपनीला पूर्व रेल्वेच्या हावडा विभागाकडून 25 केव्ही ओव्हरहेड उपकरण (OHE) कामासाठी नवी ऑर्डर मिळाली आहे, असं कंपनीनं सांगितलं आहे. करारामध्ये हावडा विभागांतर्गत जुन्या गाई रॉड असेंब्लीच्या बदलाचा समावेश आहे. कंपनीला प्रकल्पासाठी स्वीकृती पत्र मिळाले आहे, त्याची एकूण किंमत रु. 47.23 दशलक्ष (अंदाजे रु. 4.72 कोटी) आहे. प्रकल्पाच्या पूर्ततेसाठी 18 महिन्यांची कालमर्यादा निश्चित करण्यात आली आहे.

कंपनीचे चेअरमन काय म्हणाले?

कंपनीचे चेअरमन अपरेश नंदी यांसंदर्भात माहिती देताना म्हणाले की, “बीसीपीएल रेल्वे इन्फ्रास्ट्रक्चर लिमिटेड द्वारे आम्ही आमच्या भागधारकांना हावडा विभागाच्या 'जुन्या गाई रॉड असेंब्लीच्या बदलाच्या' संदर्भात 25 केव्ही ओएचई कामासाठी ऑर्डर मिळाल्यासंदर्भात माहिती देतांना आनंद होतोय. या ऑर्डरची किंमत रु. 47.23 दशलक्ष आहे आणि आम्ही येत्या काही महिन्यांत ऑर्डरच्या पुढील प्रक्रियेबाबत खूप आशावादी आहोत“

अपरेश नंदी म्हणाले की BCPLनं देशाच्या विविध भागांना, विशेषतः ईशान्य आणि ग्रामीण भागांना जोडण्यासाठी आमच्या अतुलनीय सेवांची दिल्या आहेत. भविष्यात भारतीय रेल्वे क्षेत्रात सेवा देत राहण्याचा आत्मविश्वास आहे. आम्ही संपूर्ण भारतभर अशाच प्रकल्पांबद्दल खूप आशावादी आहोत. रेल्वेच्या कामांचा ओघ सुरु असून त्यात EPC ऑर्डर, सुधारणा काम, नवीन लाईन टाकणे, विद्यमान रेल्वे ट्रॅकवर तिसरी आणि चौथी लाईन जोडणे, विद्यमान रेल्वे लाईनच्या वेगात वाढ करणे यांचा समावेश आहे आणि आम्ही आशावादी आहोत की भविष्यात कामांच्या कमतरता भासणार नाही.”

BCPL Railway Infrastructure Ltd बद्दल

BCPL Railway Infrastructure Ltd ही एक पायाभूत सुविधा आणि अभियांत्रिकी कंपनी आहे. रेल्वे विद्युतीकरण आणि संबंधित EPC (अभियांत्रिकी, खरेदी आणि बांधकाम) कामांमध्ये ही कंपनी कार्यरत आहे. कंपनी प्रामुख्याने रेल्वे विद्युतीकरण प्रकल्पांसाठी ओव्हरहेड उपकरणे (OHE) कामांच्या अंमलबजावणीवर लक्ष केंद्रित करते, ज्यामध्ये भारतीय रेल्वे नेटवर्कमध्ये वापरल्या जाणार्‍या 25 KV ट्रॅक्शन सिस्टमची स्थापना, सुधारणा आणि देखभाल यांचा समावेश आहे.

BCPLशेअरची कामगिरी

BCPL Railway Infrastructure Ltd च्या शेअरची किंमत 77.05 रुपये होती, 0.90 अंकांनी किंवा 1.15 टक्क्यांनी कमी झाली. बीसीपीएल शेअर 76.69 रुपयांवर शुक्रवारी बंद झाला. गेल्या एका वर्षात स्टॉक 18.06 टक्क्यांनी घसरला आहे आणि गेल्या दोन वर्षांत 11.32 टक्क्यांनी घसरला आहे. तथापि, तीन वर्षांच्या कालावधीत, त्याने 72.60 टक्के नफा दिला आहे.

अस्वीकृती: हा लेख केवळ माहितीच्या उद्देशाने आहे आणि गुंतवणूक सल्ला नाही.

हेदेखील वाचा

सेन्सेक्स निफ्टी मध्ये आठवड्यात घसरण,आदित्य इन्फोटेक सर्वाधिक फायद्यात, नॅटको फार्माला फटका

About the author Dalal Street Investment Journal (DSIJ)

1986 मध्ये स्थापन झालेले Dalal Street Investment Journal (DSIJ) हे भारतातील इक्विटी बाजारात दीर्घकाळापासून कार्यरत असलेले एक प्रतिष्ठित वित्तीय प्रकाशन आहे. अनेक दशकांच्या बाजारातील चढ-उतार, व्यवसाय चक्र आणि गुंतवणूक प्रवाहांचे निरीक्षण करत DSIJ ने संशोधन आणि विश्लेषणाची मजबूत परंपरा निर्माण केली आहे.

DSIJ ची गुंतवणूक पद्धती मूलभूत आर्थिक ताकद (Fundamental Strength) आणि किंमत हालचालींचे (Price Action) संतुलन साधण्यावर आधारित आहे. योग्य वेळ, जोखीम व्यवस्थापन आणि भांडवल संरक्षण यांना परताव्याइतकेच महत्त्व देत, DSIJ गुंतवणूकदार आणि ट्रेडर्सना सखोल आणि अभ्यासपूर्ण मार्गदर्शन प्रदान करते.

ही संस्था शेअर बाजार, म्युच्युअल फंड, अर्थव्यवस्था आणि विविध गुंतवणूक धोरणांवर विश्लेषणात्मक माहिती उपलब्ध करून देते. विश्वासार्ह वित्तीय कंटेंट, संशोधनाधारित दृष्टिकोन आणि तज्ज्ञांच्या मतांमुळे DSIJ ने गुंतवणूकदार आणि बाजाराशी संबंधित वाचकांमध्ये एक वेगळी ओळख निर्माण केली आहे.

Dalal Street Investment Journal हे SEBI नोंदणीकृत रिसर्च अॅनालिस्ट (INH000006396) असून, अल्पकालीन बाजारातील गोंधळापलीकडे जाऊन विचारपूर्वक आणि शिस्तबद्ध गुंतवणुकीवर भर देते.