Auto Sector : बजाज ऑटो, एस्कॉर्टच्या विक्रीत घट; तर निसान, टोयोटा, एमजी मोटर्सच्या विक्रीत वाढ
बजाज कंपनीची एकूण विक्री, ज्यात देशांतर्गत विक्री आणि निर्यातीचा समावेश आहे जी सप्टेंबर 2020 मध्ये 4 लाख 41 हजार 306 युनिट्सच्या तुलनेत नऊ टक्क्यांनी घसरून 4 लाख 02 हरजार 021 युनिट्सवर आली आहे.
मुंबई : वाहन उद्योगात सतत चढ-उतार येत असतात. सप्टेंबर महिन्यात बजाज ऑटो, एस्कॉर्टच्या विक्रीत घट झाली आहे तर निसान, टोयोटा, एमजी मोटर्सच्या विक्रीत वाढ झाली आहे. बजाज ऑटोने दिलेल्या माहितीनुसार, त्यांची एकूण देशांतर्गत गाड्यांची विक्री यावर्षी सप्टेंबरमध्ये 16 टक्क्यांनी घटून 1 लाख 92 हजार 348 युनिट्सवर आली आहे. बजाज ऑटोने एका निवेदनात म्हटले आहे की, गेल्या वर्षी सप्टेंबरमध्ये त्यांनी एकूण 2 लाख 28 हजार 731 वाहने विकली होती. कंपनीची एकूण विक्री, ज्यात देशांतर्गत विक्री आणि निर्यातीचा समावेश आहे जी सप्टेंबर 2020 मध्ये 4 लाख 41 हजार 306 युनिट्सच्या तुलनेत नऊ टक्क्यांनी घसरून 4 लाख 02 हरजार 021 युनिट्सवर आली आहे.
दुसरीकडे टोयोटा किर्लोस्करची देशांतर्गत विक्री 14 टक्क्यांनी वाढून 9,284 युनिट झाली. कंपनीने सप्टेंबर 2020 मध्ये 8,116 वाहने विकली. येत्या सणासुदीच्या काळात मागणी वाढण्याची आशा कंपनीने व्यक्त केली आहे.
निसानच्या विक्रीत वाढ
याशिवाय, निसान इंडियाने म्हटले आहे की, सप्टेंबरमध्ये तिची देशांतर्गत घाऊक विक्री तिपटीने वाढून 2,816 युनिट झाली जी गेल्या वर्षी याच महिन्यात 780 युनिट होती. कंपनीने सांगितले की गेल्या महिन्यात त्यांची निर्यात 5,900 युनिट्स होती, जी सप्टेंबर 2020 मध्ये 211 युनिट्स होती.
एस्कॉर्ट्सच्या विक्रीत वाढ
एस्कॉर्ट्सने सांगितले की सप्टेंबरमध्ये एकूण ट्रॅक्टर विक्री 25.6 टक्क्यांनी घटून 8,816 युनिट्सवर आली. कंपनीने सांगितले की गेल्या वर्षी याच महिन्यात त्यांनी एकूण 11,851 युनिट्सची विक्री केली होती. एस्कॉर्ट्सने गेल्या महिन्यात देशांतर्गत बाजारात 7,975 ट्रॅक्टर विकले, जे सप्टेंबर 2020 पर्यंत 11 हजार 453 ट्रॅक्टरपेक्षा 30.4 टक्के कमी आहे. मात्र, या काळात निर्यातीत वाढ झाली.
एमजीची विक्री वाढली
एमजी मोटार इंडियाने सांगितले की, सेमीकंडक्टरच्या कमतरतेमुळे उत्पादन मर्यादा असूनही सप्टेंबर 2021 मध्ये त्यांची किरकोळ विक्री 28 टक्क्यांनी वाढून 3,241 युनिट झाली. एमजी मोटर इंडियाने एका निवेदनात म्हटले आहे की, गेल्या वर्षी याच महिन्यात कंपनीने 2,537 युनिट्सची विक्री केली होती.
महत्त्वाच्या बातम्या
