IPO येण्याआधीच आमिर खान, रणबीर कपूरने केली कोट्यवधीची गुंतवणूक, 'ही' कंपनी पाडणार पैशांचा पाऊस, पैसे ठेवा तयार!

बॉलिवूडचे दिग्गज कलाकार वेगवेगळ्या कंपन्यांत पैसे गुंतवतात. अलिकडेच आमिर खान आणि रणबीर कपूर यांनी एका दिग्गज कंपनीत गुंतवणूक केली आहे.

Xolopak India Funded by Bollywood Stars: चित्रपटसृष्टीत काम करणारे सिनेस्टार आपलं मनोरंजन करतात. अभिनयाच्या जोरावर आज अनेक सिनेस्टार कोट्यवधीचे मालक आहेत. चित्रपटसृष्टी हाच अनेक अभिनेता-अभिनेत्रींचा मुख्य उत्पादन स्त्रोत आहे. मात्र काही स्टार्स आहे आहेत, ज्यांनी वेगवेगळ्या कंपन्यांमध्ये गुंतवणूक केलेली आहे. आयपीओ, शेअर्स खरेदी करून या स्टार्सने कोट्यवधी रुपये कमवलेले आहेत. सध्या आमिर खान, रणबीर कपूर यांनी केलेल्या अशाच गुंतवणुकीची चर्चा होत आहे. लवकरच एका कंपनीचा आयपीओ येणार आहे. पण हा आयपीओ येण्याआधीच आमीर आणि रणबीर यांनी या कंपनीत कोट्यवधी रुपये गुंतवलेले आहेत.

आमिर खान, रणबीर कपूरने केली गुंतवणूक

बॉलिवूडचे अभिनेते, अभिनेत्र्या वेगवेगळ्या ठिकाणी गुंतवणूक करून चांगले पैसे कमवत आहेत. आमिर आणि रणबीर यांनी नुकतेच Xolopak India नावाच्या कंपनीत गुंतवणूक केली आहे. ही कंपनी लवकरच आपला आयपीओ घेऊन येणार आहे. त्याआधीच आमिर आमि रणबीर यांनी ही गुंतवणूक केली आहे. उद्योगपती मुकेश अंबानी यांचे पुत्र आकाश अंबानी (Akash Ambani) यांचे सासरे रसेल मेहता (Russell Mehta) यांच्या मालकीची ही कंपनी आहे. या कंपनीत आमिर खान (Amir Khan), रणबीर कपूर (Ranbir Kapoor) आणि करण जोहर (Karan Johar) यासारख्या दिग्गजांनी गुंतवणूक केली आहे. 

गुरुवारी (5 सप्टेंबर) या कंपनीने एक पत्रकार परिषद आयोजित केली होती. यावेळी कंपनीही ही माहिती दिली. बॉलिवूडच्या स्टार्ससह Riverstone Capital चे देवानाथन, रविनाथन अय्यर, ज्योती केतन ककारिया आणि जयरमण विश्वनाथन यासाख्या दिग्गजांनी या कंपनीच्या प्री-आईपीओमध्ये फेरीत गुंतवणूक केली आहे. 

Xolopak India कंपनी नेमकं काय करते? 

Xolopak India  या कंपनीचा लवकरच आयपीओ येणार आहे. त्यासाठी या कंपनीने Beeline Capital Advisors Pvt ही संस्था लीड मॅनेजर म्हणून नियुक्त केली आहे. Xolopak India ही कंपनी टिकाऊ डिस्पोझेबल पॅकेजिंग प्रोडक्ट्स तयार करते. या कंपनीने नुकतेच एनएसई इमर्जला आयपीओचा ड्राफ्ट सादर केला आहे. ही कंपनी लाकडापासूनची कटलरी, चम्मच, चॉप स्टिक आदी वस्तू तयार करते. या कंपनीची उत्पादने अमूल, मदर डेअरी तसेच अनेक SME कंपन्यांना विकले जातात. एनएसईकडे दाखल केलेल्या ड्राफ्टनुसार ही कंपनी आयपीओच्या माध्यमातून 52,86,000 फ्रेश शेअर जारी करणार आहे. या प्रत्येक शेअरची फेस व्हॅल्यू 10 रुपये असणार आहे.

कंपनीची आर्थिक स्थिती कशी आहे?

आर्थिक वर्ष 2023-24 मध्ये या कंपनीने 31.47 कोटी रुपयांची कमाई केलेली आहे. एका वर्षात या कंपनीच्या कमाईत तीन पटीने वाढ झालेली आहे. गेल्या आर्थिक वर्षात या कंपनीने एकूण 6.36 कोटी रुपयांची कमाई केली होती.  

हेही वाचा :