शेळीपालन कराचंय? त्यापूर्वी 'या' 20 गोष्टी काळजीपूर्वक वाचा, तुम्हाला मिळेल मोठा नफा  

शेळीपालन हा शेतकऱ्यांसाठी चांगला जोडधंदा आहे. कमी काळात चांगला नफा मिळवून देणारा व्यवसाय आहे. मात्र, हा व्यवसाय करताना काही गोष्टींची काळजी घ्यावी लागते.

Goat Farming : शेळीपालन हा शेतकऱ्यांसाठी चांगला जोडधंदा आहे. कमी काळात चांगला नफा मिळवून देणारा व्यवसाय आहे. शेळ्या या आता शेतकऱ्यांसाठी एटीएम झाल्या आहेत. शेळी हा असा प्राणी आहे जो तुम्हाला पाहिजे तेव्हा विकून पैसे मिळवता येतात. यामुळेच आज एमबीए आणि इंजिनीअरिंग झालेले तरुण देखील शेळीपालन करत आहेत. लाखोंच्या नोकऱ्या सोडून परदेशात गेलेले तरुणही शेळीपालन करुन लाखोंचा नफा मिळवत आहेत. सेंट्रल गोट रिसर्च इन्स्टिट्यूट (सीआयआरजी), मथुरा येथून शेळीपालन अभ्यासक्रम सुरु करण्यात आला आहे. सरकारी संस्था CIRG व्यतिरिक्त, देशात अनेक खासगी संस्था आहेत ज्या शेळीपालनाचे प्रशिक्षण देतात.

देशात शेळ्यांच्या 37 जाती आहेत. ज्या प्रत्येक राज्य आणि हंगामानुसार पाळल्या जातात. शेळीचे दूध आणि मांसाची बाजारपेठही मोठी झाली आहे. निर्यातीसाठी चांगल्या जातीच्या शेळ्या आणि दर्जेदार मांसाची नेहमीच गरज असते. तुम्हालाही शेळीपालनातून लाखोंची कमाई करायची असेल, तर कोणत्याही संस्थेतून शेळीपालनाचा कोर्स करण्यासोबतच तुम्हाला 20 महत्त्वाच्या गोष्टींची विशेष काळजी घ्यावी लागेल.

या आहेत शेळीपालनाशी संबंधित 20 खास गोष्टी

तुमच्या राज्यानुसार शेळ्यांच्या जातीची निवड करा

एका शेळीला 10 ते 12 चौरस फूट जागा शेळीच्या आवारात द्या

एका हॉलमध्ये 20 पेक्षा जास्त शेळ्या ठेवू नका

मोठ्या शेळ्या आणि त्यांच्या पिलांना काँक्रीटच्या मजल्यावर ठेवू नका

शेळ्या-मेंढ्या शेडमध्ये एकत्र ठेवू नयेत.

तीन महिन्यांपेक्षा जास्त वयाच्या मुलांना एन्टरोटोक्सिमिया विरूद्ध दोन लसीकरण करावे.

गरोदरपणाच्या शेवटच्या दीड महिन्यात चारा व्यतिरिक्त 200 ग्रॅम धान्याचे मिश्रण द्यावे.

बाळंतपणाच्या वेळी शेळ्यांना स्वच्छ ठिकाणी ठेवा.

पिलांच्या जन्माच्या वेळी, साबणाने हात धुवा आणि त्यानंतर शेळी आणि पिलाला स्पर्श करा.

जन्मानंतर, बाळाची नाळ नवीन ब्लेडने तीन इंच मागे कापून टाका.

नाळ कापल्यानंतर आयरॉल, टिंचर आयोडीन किंवा बोकाडीन लावा.

जन्मानंतर 20 मिनिटांच्या आत पिलाला शेळीचे दूध द्या

पिलांना दिवसभर शेळीसोबतच ठेवा.

रात्रीच्या वेळी पिलांना टोपलीत झाकून ठेवावे.

शेळीच्या पिलांचे थंडीपासून संरक्षण करा.

पिलांना न्युमोनियापासून वाचवण्यासाठी टेट्रासाइक्लिन हे औषध पाण्यात मिसळून द्यावे.

जेव्हा शेळीचे वजन 15 किलो असते तेव्हा त्याचे मांस खाण्यायोग्य बनते.

शेळ्या 9 ते 10 महिन्यांच्या वयात विकल्या जाऊ शकतात.

शेळ्यांच्या कुरणात औषध फवारणी करत रहा.

शेळीची बांधण्याची जागा स्वच्छ आणि हवेशीर ठेवा.

शेळ्या बांधलेल्या ठिकाणची सकाळ संध्याकाळ स्वच्छता करा. 

महत्त्वाच्या बातम्या: