Wednesday Lord Ganesh Puja : खास बुधवारी का करतात भगवान गणेशाची पूजा? धार्मिक मान्यतेनुसार काही खास गोष्टी जाणून घ्या
Wednesday Lord Ganesh Puja : तुम्हाला माहित आहे का खास बुधवारी गणपतीची पूजा का केली जाते? केवळ बुधवारीच नव्हे, तर कोणत्याही शुभ कार्यात सर्वप्रथम गणेशाची पूजा केली जाते.
Wednesday Lord Ganesha Puja : आठवड्यातील प्रत्येक दिवस विविध देवतेच्या पूजेसाठी समर्पित आहे. धर्मशास्त्रानुसार, भगवान श्रीगणेशाला सर्व देवतांमध्ये प्रथम पूज्य म्हटले जाते. त्यांना बुद्धिमत्तेचे प्रतीक मानले जाते. भगवान गणेश आपल्या भक्तांचे दुःख हरण करतात, म्हणूनच त्यांना विघ्नहर्ता असेही म्हणतात. शास्त्रात बुधवारचा दिवस गणपतीच्या पूजेसाठी समर्पित आहे. पण तुम्हाला माहित आहे का खास बुधवारी गणपतीची पूजा का केली जाते?
हा दिवस गणपतीच्या पूजेसाठी समर्पित
बुधवार हा आठवड्याचा तिसरा दिवस आहे आणि हा दिवस गणपतीच्या पूजेसाठी समर्पित आहे. तसे, हिंदू धर्मात, तसेच बुधवारी गणेशाची पूजा करण्याचे सांगण्यात आले आहे. यामागे असा विश्वास आहे की, हा दिवस भगवान गणेशाला खूप प्रिय आहे आणि या दिवशी केलेल्या पूजेने भगवान गणेश प्रसन्न होतात आणि भक्तांच्या सर्व मनोकामना पूर्ण करतात.
बुधवारशी गणपतीचे विशेष नाते
पौराणिक कथेनुसार, जेव्हा देवी पार्वतीने गणेशाला जन्म दिला. तेव्हा बुधदेव देखील कैलास पर्वतावर उपस्थित होते. म्हणूनच गणेशाच्या पूजेसाठी त्यांचा वार बुध बनला आणि त्यामुळेच बुधवारी गणपतीची पूजा करण्याचा नियम झाला. दुसर्‍या मान्यतेनुसार, जेव्हा भगवान शिव त्रिपुरासुराचा वध करण्यात अयशस्वी ठरले, तेव्हा ते का अयशस्वी झाले आणि त्यांच्या कार्यात कशामुळे अडथळा आला याचा विचार करण्यात आला. तेव्हा त्यांना समजले की त्यांनी गणेशाची पूजा न करताच युद्ध सुरू केले होते. तो वार बुधवार होता. त्यानंतर गणेशाची पूजा या दिवशी करण्यात आली. त्यांना फुले व हार अर्पण करून लाडू अर्पण करण्यात आले. यानंतर जेव्हा युद्ध झाले तेव्हा त्रिपुरासुराचा पराभव झाला. यामुळेच प्रत्येक कामाच्या आधी श्रीगणेशाची पूजा केली जाते, जेणेकरून कोणत्याही अडथळ्याशिवाय काम पूर्ण होते.
अशा प्रकारे बुधवारी गणपतीला प्रसन्न करा
बुधवारी गणपतीसोबतच बुधदेवाचीही पूजा करा. यामुळे गणेशजी प्रसन्न होतात आणि बुधदेवांचा आशीर्वादही प्राप्त होतो.
बुधवारी पूजेत भगवान गणेशाला मोदक अवश्य अर्पण करा. यामुळे बुध ग्रहाशी संबंधित दोष दूर होतात. दुसरीकडे, शमीची पाने अर्पण केल्याने तुमची बुद्धिमत्ता वाढते.
बुधवारी गणपतीची पूजा करा आणि बडीशेप खाऊन घरातून बाहेर पडा. त्यामुळे कामात यश मिळते.
अविवाहितांनी पूजेत गणपतीला पिवळ्या रंगाची मिठाई अर्पण करावी. यामुळे लवकर विवाह होतो.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर बातम्या
Lord Ganesh : बुधवारी अशा प्रकारे गणपतीची पूजा करा, जीवनातील अडचणी होतील दूर, ज्योतिष उपायांबद्दल जाणून घ्या
महत्त्वाच्या बातम्या
ट्रेंडिंग न्यूज
