Vastu Tips : स्वयंपाकघरात 'ही' भांडी उलटी करुन ठेवू नका; 'या' नकारात्मक गोष्टी घडतील, वाचा वास्तूशास्त्र

Vastu Tips For Kitchen : ज्योतिष शास्त्रानुसार, 'बरेच लोक तक्रार करतात की खूप पैसे कमावले तरीही घरात पैसा टिकून राहात नाही. खरंतर, तुमच्या घरातील वास्तुदोषांमुळे असे घडते.

Vastu Tips

Source : Abp Web Team

Vastu Tips For Kitchen : आपल्यापैकी प्रत्येकाला आयुष्यात विकास, प्रगती आणि भरभराट हवी असते. तुमच्यावर देखील देवी लक्ष्मी कृपा व्हावी असं वाटत असेल तर  देवी लक्ष्मीला प्रसन्न ठेवण्यासाठी आपण घरात अनेक गोष्टी करतो. घराची साफसफाई असो किंवा झाडूशी संबंधित नियम असो, वडिलधार्जिण्या आपल्याला त्यासंबंधी सल्ला देतात. परंतु अनेकवेळा आपण जाणूनबुजून किंवा नकळत काही चुका करतो, ज्यामुळे आपल्या घरात वास्तुदोष निर्माण होतात. प्रसिद्ध ज्योतिषी प्रद्युमन सुरी सांगतात की, अनेक वेळा आपण आपल्या स्वयंपाकघरात काही चुका करतो ज्यामुळे आपल्या घरात पैसा राहत नाही.

ज्योतिष शास्त्रात सांगितल्याप्रमाणे, 'बरेच लोक तक्रार करतात की खूप पैसे कमावले तरीही घरात पैसा टिकून राहात नाही. खरंतर, तुमच्या घरातील वास्तुदोषांमुळे असे घडते. आपण आपल्या स्वयंपाकघरात काही चुका करतो. जे आपण टाळले पाहिजे. स्वयंपाकघरातील ही तीन भांडी आपण कधीही उलटी ठेवू नयेत.

1) तवा – अनेक वेळा स्त्रिया पोळी बनविल्यानंतर धुतलेला तवा उलटा ठेवतात. हे कधीही करू नये. त्यामुळे आर्थिक नुकसान होण्याची दाट शक्यता निर्माण झाली आहे. एवढेच नाही तर कुंडलीत काल सर्प दोषही निर्माण होतो.

2) भांडे/कुकर - अनेक वेळा स्त्रिया कुकर धुतात आणि रॅकमध्ये कुकर तसाच उलटा ठेवतात. यामुळे नकारात्मक ऊर्जा घरात पसरते. 

3) कढई - कढई हे अन्नपूर्णा आईचे सर्वात आवडते भांडे मानले जाते. त्यामुळेच प्रत्येक सण किंवा आनंदाच्या प्रसंगी घरातील चुलीवर कढई ठेवण्याची श्रद्धा शतकानुशतके चालत आली आहे. यामुळेच घरामध्ये कढई कधीही उलटी ठेवू नये. यामुळे आई अन्नपूर्णा तुमच्यावर रागावते तसेच नकारात्मक परिणाम होतो. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा :