Scorpio Weekly Horoscope 29 April To 5 May 2024 : वृश्चिक राशीसाठी नवीन आठवडा अनेक संधी घेऊन येणार आहे, याबरोबरच तुम्हाला काही आव्हानांचा सामना देखील करावा लागेल. नवीन रणनीतीसह कााच्या ठिकाणी कामाला लागा आणि आव्हानांचा खमकीपणाने सामना करा. या आठवड्यात तुम्हाला कुटुंबाकडून आणि मित्रांकडून सहकार्य मिळेल. आव्हानात्मक कामं तुम्ही आत्मविश्वासाने पार पाडाल. एकूणच वृश्चिक राशीच्या लोकांसाठी हा आठवडा व्यवसाय, आरोग्य, नातेसंबंध आणि प्रेमासाठी किती खास असणार आहे? वृश्चिक राशीचे साप्ताहिक राशीभविष्य (Weekly Horoscope) जाणून घ्या.
वश्चिक राशीचे लव्ह लाईफ (Scorpio Love Life Horoscope)
प्रेमसंबंधांच्या बाबतीत बोलायचे झाल्यास, या आठवड्यात तुम्हाला प्रेम, रिलेशनशिप या सगळ्यांपासून दूर राहण्याचाच सल्ला देण्यात आला आहे. जर, तुम्ही रिलेशनशिपमध्ये असाल तर परिस्थिती अगदी सावधनतेने हाताळा. कोणतंही पाऊल विचारपूर्वक उचला.तुमच्या आई-वडिलांच्या प्रतिष्ठेला काळीमा फासेल असं काही करू नका.
वृश्चिक राशीचे करिअर (Scorpio Career Horoscope)
या आठवड्यात तुम्हाला नशिबाची फार कमी साथ मिळेल. आठवड्याची सुरुवातच तुमच्यासाठी फार आव्हानात्मक असणार आहे. त्यामुळे कोणताही टोकाचा निर्णय घेऊ नका. आठवड्याच्या मध्यानंतर सगळी परिस्थिती सुरळीत होईल. व्यावसायिकांना देखील मार्केटमध्ये खूप स्पर्धा मिळणार आहे. त्यामुळे आत्ताच स्वत:ला तयार करा.
वृश्चिक राशीची आर्थिक स्थिती (Scorpio Wealth Horoscope)
हा आठवडा जरी तुमच्यासाठी आव्हानात्मक असला तरी पैशांच्या बाबतीत तुमची परिस्थिती चांगली असणार आहे. तुम्हाला कोणासमोर हात पसरावे नाही लागणार किंवा कोणाची मदतही घ्यावी लागणार नाही. पण, पैशांचा जपून वापर करा. विनाकारण पैसे खर्च करू नका. भविष्यात पैशांची गरज लागेलच. त्यामुळे आतापासूनच गुंतवणुकीकडे जास्त लक्ष द्या.
वृश्चिक राशीचे आरोग्य (Scorpio Health Horoscope)
बदलत्या वातावरणामुळे किंवा तुमच्या दिर्घकालीन आजारामुळे तुम्हाला पुन्हा त्रास होऊ शकतो. त्यामुळेच एकामागोमाग नवीन आव्हानं तुमच्या समोर उभी असतील. याला कंटाळून न जाता धैर्याने सामोरं जा. तसे, आजाराने खचून जाऊ नका. योग्य पथ्य-पाणी पाळा. काही दिवसांतच ठणठणीत व्हाल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :