Horoscope Today 29 November 2025 : आजचा शनिवार 6 राशींचं नशीब पालटणारा; शनिदेवाच्या कृपेने संकट टळेल, संध्याकाळपर्यंत मिळणार शुभवार्ता, आजचे राशीभविष्य

Horoscope Today 29 November 2025 : ग्रहांच्या संक्रमणाच्या दृष्टीने देखील आजचा दिवस खास असणार आहे. त्यामुळे आजचा दिवस 12 राशींसाठी नेमका कसा असणार आहे हे जाणून घेऊयात.

Horoscope Today 29 November 2025

Source : ABP Web Team

Horoscope Today 29 November 2025 : वैदिक ज्योतिष शास्त्रानुसार, आज 29 नोव्हेंबर 2025 चा दिवस आहे. त्यानुसार आजचा वार शनिवार आहे. आजचा दिवस आपण शनिदेवाला (Shani Dev) समर्पित करतो. तसेच, आजच्या दिवशी भक्त शनि मंदिरात जातात आणि शनिदेवाची पूजा करतात. आपल्या चुकीची माफी मागतात. तसेच, ग्रहांच्या संक्रमणाच्या दृष्टीने देखील आजचा दिवस खास असणार आहे. त्यामुळे आजचा दिवस 12 राशींसाठी नेमका कसा असणार आहे. यासाठी वाचूयात सर्व 12 राशींचं आजचं राशीभविष्य (Horoscope Today). 

मेष रास (Aries Horoscope)

मेष राशीने आज कोणतीही जोखीम हातात घेऊ नये. प्रवासाची जर आवश्यकता नसेल तर तो टाळलेलाच बरा आहे. तसेच, कोणाच्याही बोलण्यावर विश्वास ठेवू नका. वैवाहिक जीवन सुरळीत चालेल. आज काळ्या वस्तूचं दान करा.

वृषभ रास (Taurus Horoscope)

आजच्या दिवशी कोर्ट कचेरीच्या संदर्भातील कामं निघू शकतात. वडिलोत्पार्जितं संपत्तीतून कुटुंबामध्ये तणावाचं वातावरण निर्माण होऊ शकतं. आरोग्याच्या बाबतीत चिंता करण्याची गरज नाही. तसेच, तुमच्या मेहनतीवर भर द्या. 

मिथुन रास (Gemini Horoscope)

मिथुन राशीच्या लोकांसाठी आजचा दिवस सामान्य असणार आहे. तुमच्या आत्मविश्वासाला आज तडा जाण्याची शक्यता आहे. तसेच, तुमचा अपमान होईल की काय ही भीती सतत तुमच्या मनाला जाणवत राहील. यासाठी कामात प्रामाणिकपणा ठेवा. 

कर्क रास (Cancer Horoscope)

कर्क राशीच्या लोकांसाठी आजचा दिवस चांगला आहे. फक्त काही गोष्टींची काळजी घेण्याची गरज आहे. जसे की, वाहन चालवताना सावकाश चालवा. कोणती महत्त्वाची कामे आज हाती घेऊ नका. ग्रहांच्या चालीचा नकारात्मक परिणाम तुमच्यावर होऊ शकतो. 

सिंह रास (Leo Horoscope)

सिंह राशीसाठी आजचा दिवस खास आहे. तुमच्यातील कलागुणांना चांगला न्याय मिळेल. तसेच, तुमच्या ध्येयावर तुमचं लक्ष केंद्रित असेल. तुमचं वैवाहिक जीवन देखील सुरळीत चालेल. लवकरच प्रवासाचे योग जुळून येणार आहेत. 

कन्या रास (Virgo Horoscope)

शत्रूंचा दबाव तुमच्यावर कायम असणार आहे. मात्र, तुमच्या कामात कोणताच अडथळा येणार नाही. तुमचं आरोग्य चांगलं राहील. व्यवसायात चांगली प्रगती करा. शनिदेवाच्या कृपेने लाभ मिळेल.

तूळ रास (Libra Horoscope)

तूळ राशीच्या लोकांनी आपल्या आरोग्याची काळजी घेणं गरजेचंस आहे. तुमच्या दिनश्चर्येत तुम्हाला काही महत्त्वाचे बदल करावे लागतील. तसेच, नकारात्मक ऊर्जा असणाऱ्यांच्या संपर्कात राहू नका. व्यवसायावर लक्ष केंद्रित करा. 

वृश्चिक रास (Scorpio Horoscope)

वृश्चिक राशीसाठी आजचा दिवस खास असणार आहे. घरात आनंदाचं वातावरण राहील. जवळच्या नातेवाईकांकडून तुम्हाला शुभवार्ता मिळू शकते. तसेच, तुमची रखडलेली कामेही तुम्हाला पूर्ण करता येतील. 

धनु रास (Saggitarius Horoscope)

धनु राशीने आजच्या दिवशी सावधानता बाळगावी. शत्रूंची तुमच्यावर वाईट नजर असू शकते. त्यामुळे तुमच्या कोणत्याही कामात दिरंगाई करु नका. समाजाता तुमचा मान-सन्मान टिकून राहील. कामाच्या निमित्ताने प्रवास सुरु राहील. 

मकर रास (Capricorn Horoscope)

मकर राशीने शेअर बाजारात पैशांची गुंतवणूक करु नये. तुम्हाला धनहानीचे संकेत मिळू शकतात. तसेच, गुंतवणुकीसाठी हा काळ योग्य नाही. तुमचा व्यवसाय सुरळीत चालेल. मात्र, त्यात ना लाभ ना तोटा मिळेल. 

कुंभ रास (Aquarius Horoscope)

कुंभ राशीसाठी आजचा दिवस सामान्य आहे. दिवसाची सुरुवात प्रसन्न होईल. पण, जसजसा वेळ निघत जाईल तुम्हाला बैचेन वाटेल. तुमच्या मनात अनेक प्रश्न निर्माण होतील. 10 गोष्टी डोक्यात सुरु असतील पण उत्तर एकाचंही मिळणार नाही. 

मीन रास (Pisces Horoscope)

मीन राशीसाठी आजचा दिवस चांगला आहे. तुमची आर्थिक स्थितीही चांगली आहे. मात्र, तरीही पैशांचा अतिवापर करु नका. महिन्याचा शेवटचा दिवस आहे. त्यामुळे व्यवहाराच्या बाबतीत काळजी घ्या. वैवाहिक जीवनातील अडथळे दूर होतील. 

हे ही वाचा :

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)