Graha Gochar 2024 : ऑक्टोबर महिन्यात ग्रहांच्या मोठ्या हालचाली! शनी, सूर्य, मंगळसह सर्वच ग्रहांचं राशी परिवर्तन; 12 राशींवर कसा होणार परिणाम?

Graha Gochar in October 2024 : प्रत्येक ग्रह ठराविक अंतराने राशी परिवर्तन करतात. याचा काही राशीच्या लोकांवर शुभ तर काही राशींवर अशुभ परिणाम होतो.

Graha Gochar in October 2024

Source : ABP Web Team

Graha Gochar in October 2024 : ज्योतिष शास्त्रानुसार, प्रत्येक ग्रह ठराविक अंतराने राशी परिवर्तन करतात. याचा काही राशीच्या (Zodiac Signs) लोकांवर शुभ तर काही राशींवर अशुभ परिणाम होतो. त्याचप्रमाणे, ऑक्टोबर महिन्यात देखील मोठमोठ्या ग्रहांचं राशी परिवर्तन होणार आहे. 

3 ऑक्टोबर शनी राशी परिवर्तन (Saturn)

सर्वात आधी शनीचं राशी परिवर्तन 3 ऑक्टोबर रोजी होणार आहे. शनी या दिवशी दुपारी 12 वाजून 13 मिनिटांनी शतभिषा नक्षत्रात प्रवेश करणार आहे. शनीच्या या राशी परिवर्तनाने कुंभ राशीच्या लोकांना चांगला लाभ मिळणार आहे. विद्यार्थ्यांना अभ्यासात चांगलं यश मिळेल. शनी या स्थितीत 27 सप्टेंबर पर्यंत स्थित असणार आहेत. त्यानंतर पूर्वाभाद्रपद नक्षत्रात परिवर्तन करणार आहे. 

9 ऑक्टोबर गुरु ग्रह राशी परिवर्तन (Jupiter)

9 ऑक्टोबर रोजी गुरु ग्रह मिथुन राशीत वक्री होणार आहे. हे राशी परिवर्तन सकाळी 9 वाजून 55 मिनिटांनी होणार आहे. याचा परिणाम मेष, मिथुन, सिंह आणि धनु राशींच्या लोकांवर होण्याची शक्यता आहे. या काळात नकारात्मक ऊर्जा तुमच्या आजूबाजूला पसरु शकते. तसेच, तुमच्याकडून चुकीचे निर्णय घेतले जाऊ शकतात. 

10 ऑक्टोबर बुध ग्रह राशी परिवर्तन (Mercury)

10 ऑक्टोबर रोजी बुध ग्रह तूळ राशीत प्रवेश करणार आहे. हे राशी परिवर्तन सकाळी 11 वाजून 13 मिनिटांनी होणार आहे. या परिवर्तनाचा तूळ राशीच्या लोकांना लाभ होणार आहे. तसेच, तुमची अनेक रखडलेली कामे पूर्ण होतील. व्यवसायात चांगली प्रगती होईल. 

13 ऑक्टोबर शुक्र ग्रह राशी परिवर्तन (Venus)

13 ऑक्टोबर रोजी शुक्र ग्रह वृश्चिक राशीत संक्रमण करणार आहे. हे राशी परिवर्तन सकाळी 06 वाजून 13 मिनिटांनी होणार आहे. हे संक्रमण मेष आणि वृश्चिक राशीच्या लोकांसाठी लाभदायक ठरणार आहे. या काळात तुमची आर्थिक स्थिती चांगली असेल. 

17 ऑक्टोबर सूर्य राशी परिवर्तन (Sun) 

17 ऑक्टोबर रोजी ग्रहांचा राजा सूर्य तूळ राशीत प्रवेश करणार आहे. हे राशी परिवर्तन सकाळी 7 वाजून 47 मिनिटांनी होणार आहे. या काळात तुम्ही जास्त सतर्क असण्याची गरज आहे. कोणालाही तुमचा गैरफायदा घेऊ  देऊ नका. तुमच्या आरोग्याची काळजी घ्या. 

20 ऑक्टोबर मंगळ ग्रह राशी परिवर्तन (Mars)

ग्रहांचा सेनापती मंगळ ग्रह 20 ऑक्टोबर रोजी कर्क राशीत प्रवेश करणार आहे. हे राशी परिवर्तन दुपारी 2 वाजून 50 मिनिटांनी होणार आहे. या काळात तुमची तब्येत अचानक बिघडू शकते. तुमच्या मनात सतत तणाव सुरु असेल. तसेच, या काळात कोणताही मोठा निर्णय घेऊ नका. 

29 ऑक्टोबर बुध ग्रह राशी परिवर्तन (Mercury)

ग्रहांचा राजकुमान बुध ग्रह 29 ऑक्टोबर रोजी वृश्चिक राशीत प्रवेश करणार आहे. या काळात तु्म्हाला कामानिमित्त परदेशात जाण्याची संधी मिळू शकते. तसेच, तरुणांना चांगली नोकरी मिळण्याची शक्यता आहे. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: