Gauri Pujan 2025 : ज्येष्ठा गौरी आणि गणपतीचे नाते नेमके काय? वाचा ज्योतिष शास्त्रानुसार A to Z माहिती

Gauri Pujan 2025 : ज्येष्ठा गौरी आणि गणपतीचे नाते नेमके काय आहे या संदर्भात डॉ. भूषण ज्योतिर्विद यांनी माहिती दिली आहे ते जाणून घेऊयात. 

Gauri Pujan 2025

Source : ABP Web Team

Gauri Pujan 2025 : सगळीकडे गणेशोत्सवाची धामधूम सुरु असतानाच गौरीचं घरोघरी आगमन होणार आहे. आज गणेशोत्सवाचा पाचवा दिवस आहे. त्यानुसार पाचव्या दिवशी गौरीचं आगमन होतं. मात्र, गणपतीच्याच दिवसांत गौरी घरी का येतात? याबद्दल तुम्हाला माहीत आहे का? तर, ज्येष्ठा गौरी आणि गणपतीचे नाते नेमके काय आहे या संदर्भात डॉ. भूषण ज्योतिर्विद यांनी माहिती दिली आहे ते जाणून घेऊयात. 

ज्येष्ठा गौरी आणि गणपतीचे नाते

• गणपती बाप्पाची बहीण म्हणून ज्येष्ठा गौरीची पूजा केली जाते.
• काही ठिकाणी गौरीला माता पार्वतीचे स्वरूप मानतात.
• परंपरेनुसार, गणपतीच्या आगमनानंतर काही दिवसांनी गौरी येते आणि मग गणपतीबरोबरच विसर्जनाला जाते.
• त्यामुळे गणेशोत्सवात हे पूजन “गणपती आणि गौरीचे माय-बहिणीचे मिलन” असे मानले जाते.

इतिहास आणि श्रद्धा

• प्राचीन काळी गौरी म्हणजे शक्तीचे रूप मानले गेले आहे.
• गौरी आगमन ही समृद्धी, सुख-शांती आणि अन्नधान्याची भरभराट यांचे प्रतीक आहे.
• पूर्वी शेतकरी वर्ग या पूजेला खूप महत्त्व देत असे, कारण गौरी ही भूमीदेवी व अन्नसमृद्धीशी जोडली गेली आहे.
• शास्त्रानुसार, गौरी पूजन हे सौभाग्य, लक्ष्मीप्राप्ती आणि घरच्या स्त्रियांच्या मंगलासाठी केले जाते.

परंपरा

• गौरीचे आगमन गणेशोत्सवाच्या तिसऱ्या, पाचव्या किंवा सातव्या दिवशी केले जाते (काही ठिकाणी वेगवेगळ्या प्रथा आहेत).
• दोन मातीच्या मूर्ती किंवा सुपारीच्या मूर्ती “ज्येष्ठा गौरी” म्हणून घरी आणल्या जातात.
• गौरीला साडी नेसवून, सोन्याचे दागिने, फुले आणि हळदी-कुंकू लावून सजवले जाते.
• स्त्रिया मुख्य पूजेसाठी बसतात, कारण ही पूजा विशेषतः स्त्रियांच्या मंगलासाठी मानली जाते.
• दोन दिवस गौरी राहतात आणि तिसऱ्या दिवशी गणपती बरोबर त्यांचे विसर्जन केले जाते.

का साजरा करतात?

• सौभाग्य आणि समृद्धीसाठी.
• स्त्रियांच्या मंगलासाठी (सुखी संसार, पतीचे दीर्घायुष्य, मुलांचे रक्षण).
• अन्नधान्य व धनवृद्धी यासाठी.
• गणपती बाप्पाच्या कुटुंबाची संपूर्ण पूजा करण्यासाठी.

थोडक्यात, गणपती बाप्पा घरात आले की त्याच्या बहिणीचेही स्वागत केले जाते. ही परंपरा म्हणजे देव-परिवार एकत्र आणण्याची आणि घरात समृद्धी व मंगल राहण्यासाठी केलेली पूजा आहे.

ज्येष्ठा गौरी पूजेचे विशेष उपाय पाहूया जे धन, आरोग्य आणि सौभाग्यासाठी अतिशय प्रभावी मानले जाता.

हे ही वाचा :