Shani Dev : शनीच्या प्रकोपापासून वाचण्यासाठी शनिवारच्या पूजेमध्ये या खास गोष्टी करा

Shani Dev : असे म्हणतात की शनि कोणावरही दया दाखवत नाही. यामुळेच शनी देवाला लोक घाबरतात. शनी देवाला न्यायाची देवता देखील म्हणतात.

shani dev

Shani Dev : शनिदेवाला क्रूर ग्रह मानले जाते. असे म्हणतात की शनि (Shani Dev) कोणावरही दया दाखवत नाही. यामुळेच शनी देवाला लोक घाबरतात. शनि देवाला न्यायाची देवता देखील म्हणतात. शनिदेव लोकांना त्यांच्या कर्मानुसार फळ देतात. ज्याच्यावर शनिदेव कोपतात त्यांच्यावर अशुभ प्रभाव पडतो. शनिवार हा शनिदेवाला समर्पित आहे. शनिवारी शनीची पूजा करण्याचे काही खास नियम आहेत आणि त्यांचे पालन केले नाही तर शनिदेव कोपतात. चला जाणून घेऊया शनिदेवाची पूजा करताना कोणत्या गोष्टी लक्षात ठेवाव्यात.

तांब्याची भांडी वापरू नका  

शनिवार हा शनिदेवाच्या पूजेसाठी खास दिवस आहे. या दिवशी शनिदेवाच्या पूजेमध्ये धातूची खूप काळजी घ्यावी लागते. तांब्याची भांडी त्यांच्या पूजेत कधीही वापरू नये कारण तांब्याचा संबंध सूर्यदेवाशी आहे. ज्योतिष शास्त्रानुसार शनिदेव हे सूर्याचे पुत्र असले तरी ते परम शत्रू देखील आहेत. शनिवारी शनिदेवाच्या पूजेमध्ये लोखंडी भांडी वापरावीत. या भांड्यांच्या वापराने शनिदेव प्रसन्न होतात असे मानले जाते. 

काळ्या कपड्याचा वापर करा 

शनिदेवाला काळा रंग आवडतो. त्यामुळेच शनिवारी शनिदेवाची पूजा करताना काळ्या किंवा निळ्या रंगाच्या कपड्यांशिवाय इतर रंगाचे कपडे वापरू नका. असे मानले जाते की काळे किंवा निळे कपडे न घातल्याने शनिदेव नाराज होतात.

तीळ , गूळ किंवा खिचडी अर्पण करा  

शनिदेवाला प्रसन्न करण्यासाठी शनिवारी शनिदेवाला तीळ, गूळ किंवा खिचडी अर्पण करणे चांगले मानले जाते.

कोणतीही पूजा पूर्व दिशेला तोंड करून केली जाते पण शनिदेवाची पूजा पश्चिम दिशेला तोंड करून करावी. शनिदेव हा पश्चिम दिशेचा स्वामी आहे. म्हणूनच त्यांची या दिशेलाही पूजा केली जाते.

शनिदेवाच्या मूर्तीसमोर उभे राहून त्यांची पूजा कधीही करू नये. पूजेच्या वेळी शनिदेवाच्या डोळ्यात पाहू नये. पौराणिक मान्यतेनुसार, शनिदेवाला शाप होता की तो जे काही पाहील त्याचे वाईट होईल.  

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

संबंधित बातम्या