Astrology : गुरुवारी या 5 गोष्टी चुकूनही करू नका, घरामध्ये येईल संकट

Astrology : गुरूवारच्या दिवशी केलेले उपाय खूप प्रभावी मानले जातात, परंतु अशा काही गोष्टी आहेत ज्या गुरुवारी करू नयेत.

astrology-marathi-news-jupiter-retrograde

Astrology : गुरुवार हा देवगुरू बृहस्पतीला समर्पित आहे. या दिवशी भगवान विष्णूची पूर्ण विधीपूर्वक पूजा केली जाते. अशी मान्यता आहे की, यामुळे जीवनात प्रगती आणि सुख-समृद्धी येते. या दिवशी व्रत पाळणे, केळीच्या झाडाची पूजा करणे आणि विष्णु सहस्रनामाचे पठण केल्याने घरामध्ये ऐश्वर्य प्राप्त होते आणि कुटुंबात सुख-शांती राहते. या दिवशी केलेले उपाय खूप प्रभावी मानले जातात, परंतु अशा काही गोष्टी आहेत ज्या गुरुवारी करू नयेत.

गुरुवारी या 5 गोष्टी करू नयेत, जाणून घ्या

-ज्योतिषशास्त्रानुसार गुरुवारी कपडे धुवू नयेत. या दिवशी साबण वापरणे चांगले मानले जात नाही. असे म्हटले जाते की गुरुवारी साबणाचा वापर केल्याने कुंडलीत गुरूची स्थिती खराब होते आणि घरातून सुख-समृद्धी येते.

-गुरुवारी पैशाचे व्यवहार करणे देखील चांगले मानले जात नाही. गुरुवारी दिलेले कर्ज परत येत नाही, असे मानले जाते. दुसरीकडे, जर तुम्ही या दिवशी कोणाकडून कर्ज घेतले असेल तर तुमच्यावरील कर्ज वाढू शकते.

-गुरुवारी दक्षिण दिशेला प्रवास करू नये. जर प्रवास करणे आवश्यक असेल तर दही किंवा जिरे खाल्ल्यानंतरच घर सोडावे.

-गुरुवारी नखे कापणेही अशुभ मानले जाते. असे केल्याने धनहानी होते आणि घरातील सदस्यांची प्रगती थांबते. 

-महिलांनी या दिवशी केस धुवू नयेत. यामुळे कुंडलीत गुरु कमजोर होतो.

-पुरुषांनी गुरुवारी केस आणि दाढी कापू नये. असे केल्याने वय आणि संपत्ती कमी होते असे मानले जाते. 

-या दिवशी पूजेच्या वस्तू आणि चाकू, कात्री यांसारख्या धारदार वस्तू खरेदी करणे देखील अशुभ मानले जाते.

आज 'गुरुपुष्यामृत योग' सर्वोत्तम आणि दुर्मिळ योग

ज्योतिषशास्त्रात गुरु हा सर्वात शुभ ग्रह मानला जातो. ज्योतिषशास्त्रात गुरुला धनु आणि मीन राशीचा स्वामी म्हटले जाते. गुरु कोणत्याही राशीत 13 महिने राहतो. 29 जुलै रोजी गुरू मीन राशीत वक्री होईल. गुरू पुढील चार महिने वक्री स्थितीत राहील. त्याच्या वक्रीमुळे मीन राशीत 'गुरुपुष्यामृत योग' हा सर्वोत्तम आणि दुर्मिळ योग तयार होईल. या राशींवर या योगाचा शुभ प्रभाव पडेल. त्यांच्या प्रभावामुळे कर्क, मकर आणि मीन राशीचे भाग्य चमकेल. त्यांना पैसा मिळेल. नोकरीत प्रगती होईल.

कर्क : गुरु पुष्य योग कर्क राशीच्या लोकांना नोकरीत प्रगती देईल. त्यामुळे त्यांची आर्थिक स्थिती सुधारेल. पैशाशी संबंधित सर्व समस्या हळूहळू दूर होतील. त्यांना व्यवसायात अधिक फायदा होईल. गुंतवणुकीसाठी हा चांगला काळ आहे. कोणतेही काम हे लोक सुरू करू शकतात. त्यांना त्या कामात यश मिळेल. भविष्यासाठी चांगल्या योजना कराल.

मकर : गुरूची प्रतिगामी या राशीच्या लोकांसाठी चांगले दिवस आणेल. मकर राशीच्या लोकांसाठी हा काळ अनुकूल राहील. नोकरी करणाऱ्या लोकांना त्यांच्या उच्च अधिकाऱ्यांचे पूर्ण सहकार्य मिळेल. आर्थिक स्थिती चांगली राहील. तुम्ही तुमचे सर्व काम पूर्ण समर्पणाने कराल. उत्पन्नाचे अनेक स्त्रोत असतील. कामाच्या ठिकाणी त्यांचे कौतुक होईल. एकूणच माता लक्ष्मी त्यांच्यावर कृपा करेल.

मीन : गुरु पुष्य योग तयार झाल्यामुळे मीन राशीच्या लोकांसाठी हा काळ अतिशय अनुकूल राहील. त्यांच्या आर्थिक स्थितीत अकल्पनीय सुधारणा होण्याची दाट शक्यता आहे. त्यांची कोणतीही जुनी इच्छा पूर्ण होईल. बरेच दिवस अडकलेले पैसे परत मिळतील. पगारात वाढ होण्याची दाट शक्यता आहे. कोणत्याही मोठ्या कामात यश मिळेल.

 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. यासाठी संबंधित तज्ज्ञाचा सल्ला घ्यावा.) 

महत्वाच्या बातम्या :