ललित पाटील 2020 पासून येरवडा कारागृहात फक्त नावापुरताच कैद होता. कारण ललित पाटीलचे याच काळातील अतिशय धक्कादायक फोटो एबीपी माझाच्या हाती लागले आहेत. ससूनमधील कैद्यांसाठीच्या 16 नंबर वॉर्डमध्ये बसून ललित पाटील चक्क सिगारेट ओढताना दिसतो आहे. ललित हा प्रेयसी प्रज्ञा कांबळेसोबत पुण्यातील हॉटेलमध्ये मौजमजा करताना दिसतो आहे. एवढंच काय मॉलमध्ये खरेदी करतानाही तो दिसतो आहे. पुणे पोलिसांनी ललित पाटीलला ड्रग रॅकेट चालवण्यात साथ दिल्याबद्दल प्र ज्ञा कांबळे आणि ललितची दुसरी मैत्रीण अर्चना निकम या दोघीना अटक केली आहे ललित पाटीलच्या या सगळ्या टोळीच्या विरुद्ध मोक्का कायदा लावण्याच्या तयारीत पुणे पोलीस आहेत. कधी तोंडात सिगारेट, तर कधी पंचतारांकित हॉटेलमध्ये मैत्रिणीच्या बाहुपाशात मौजमजा असा ललित पाटीलचा तुरुंगवास हा सुरु होता. एबीपी माझाच्या हाती लागलेल्या फोटोंमधून हे धक्कादायक वास्तव समोर आलं आहे.