सरत्या वर्षाला निरोप देण्यासाठी आणि नववर्षाच्या स्वागतासाठी कोकणातील पर्यटनस्थळे सज्ज झाली आहेत.
कोकणातील समुद्रकिनारी तसेच विविध पर्यटन स्थळे, तीर्थक्षेत्रांवर पर्यटकांची गर्दी आहे.
सिंधुदुर्ग जिल्ह्यातील मालवण, तारकर्ली, देवबाग, तळाशील, शिरोडा समुद्रकिनारी पर्यटकांची तोबा गर्दी झाली आहे.
देशविदेशी पर्यटक कोकणातील समुद्र किनाऱ्यावर गर्दी करत आहेत.
कोकणचे स्वच्छ सुंदर समुद्रकिनारे नेहमीच पर्यटकांना आकर्षित करतात.
त्यातही डॉल्फिन सफर, कांदळवन सफर आणि विदेशी पक्षांची नजरेची पारणं फेडणारी दृश्य पर्यटकांना आकर्षित करत आहेत.
शिवाय सिंधुदुर्ग किल्ला पाहणाऱ्या पर्यटकांची संख्या देखील मोठी आहे.
समुद्रकिनाऱ्यावर पर्यटक समुद्र साहसी जलक्रीडांचा आनंद लुटत आहेत.
त्यासोबतच मालवणी खाद्य संस्कृतीची सुद्धा अनुभव घेत आहेत.