अभिनेत्री तमन्ना भाटियाने दाक्षिणात्य चित्रपटसृष्टीमध्ये आणि बॉलिवूडमध्ये आपल्या अभिनयाने विशेष ओळख निर्माण केली आहे.

तमन्ना भाटिया ही गेल्या काही दिवसांपासून तिच्या वैयक्तिक आयुष्यामुळे देखील चर्चेत आहे.

काही दिवसांपूर्वी तिचा डायमंड रिंग फ्लाँट करतानाचा फोटो व्हायरल झाला होता. त्यानंतर सोशल मीडियावर अशी चर्चा सुरु झाली की, तमन्नाकडे जगातील 5 व्या क्रमांकाचा सर्वात मोठा हिरा आहे, ज्याची किंमत 2 कोटी रुपये आहे.

आता तमन्नानं या डायमंड रिंगसोबतच्या व्हायरल फोटोमागील सत्य सांगितलं आहे.

तमन्नाने नुकताच इन्स्टाग्राम स्टोरीजवर तिचा हिऱ्याच्या अंगठीसोबतचा व्हायरल झालेला फोटो पोस्ट केला. हा फोटो शेअर करुन तमन्नाने कॅप्शनमध्ये लिहिले की, तुम्हाला हे सांगू इच्छिते की,आम्ही बॉटल ओपनरसोबत फोटोशूट करत होतो, खऱ्या डायमंडसोबत नाही.

गेल्या काही दिवसांपासून तमन्ना ही तिच्या 'जी कर्दा' आणि 'लस्ट स्टोरीज 2' या वेब शोमधील इंटिमेट सीनमुळे चर्चेत आहे.

'लस्ट स्टोरीज 2' या वेब सीरिजमधील अभिनेता विजय वर्मा आणि तमन्नाच्या डेटिंगची चर्चा देखील सोशल मीडियावर होत आहेत.

तमन्ना ही लवकरच रजनीकांत यांच्या 'जेलर' चित्रपटामधून प्रेक्षकांच्या भेटीस येणार आहे.

तमन्नाच्या आगामी चित्रपटांची प्रेक्षक उत्सुकतेने वाट बघत आहेत.

तमन्नाचा चाहता वर्ग देखील मोठा आहे.