बुद्धिबळ विश्वविजेता गुकेश डीची 17 दिवसांत 11 कोटींची कमाई

भारताचा गुकेश डी हा बुद्धिबळाच्या इतिहासात विश्वविजेता बनणारा सर्वात तरुण खेळाडू ठरला आहे.

चीनच्या दिग्गज डिंग लिरेनविरुद्ध 14 वा सामना जिंकून इतिहास रचणाऱ्या गुकेशला कोट्यवधी रुपयांचे बक्षीस मिळालं आहे.

वयाच्या 18 व्या वर्षी गुकेश डोम्माराजूची संपत्ती 20 कोटींच्या पुढे गेली आहे. वर्ल्ड चॅम्पियनशिपपूर्वी गुकेशची एकूण संपत्ती 8 कोटी रुपये होती.

वर्ल्ड चॅम्पियन बनल्यानंतर गुकेश डोम्माराजूच्या संपत्तीत कमालीची वाढ झाली आहे.

सिंगापूर येथे 17 दिवस जागतिक बुद्धिबळ स्पर्धा पार पडली. या 17 दिवसांत गुकेशने 11 कोटींहून अधिक कमाई केली आहे.

डी गुकेशला वर्ल्ड चॅम्पियन बनल्याबद्दल बक्षीस म्हणून 11.45 कोटी रुपये मिळाले. तर 9.75 कोटी रुपये डिंग लिरेनच्या खात्यात गेले.

FIDE च्या नियमांनुसार, अंतिम सामना खेळणाऱ्या खेळाडूंना प्रत्येक सामना जिंकण्यासाठी 1.69 कोटी रुपये मिळतात.

गुकेशने तीन सामने जिंकले. त्याने तिसरा, 11वा आणि 14वा गेम जिंकला. ज्यातून त्याला 5.07 कोटी मिळाले, तर गुकेशला एकूण 11.45 कोटी मिळाले.

मीडिया रिपोर्ट्सनुसार, वर्ल्ड चॅम्पियन बनण्यापूर्वी गुकेशची एकूण संपत्ती 8.26 कोटी रुपये होती, जी आता 20 कोटींच्या पुढे गेली आहे.

बुद्धिबळातील बक्षिसांची रक्कम आणि जाहिराती हे गुकेशचे उत्पन्नाचे स्रोत आहेत.