छोट्या पडद्यावरील अभिनेत्री स्नेहा वाघ तिच्या करिअरपेक्षा व्यक्तिगत आयुष्यामुळे जास्त चर्चेत असते. कायम चर्चेत असलेली स्नेहा बिग बॉस मराठी ३ मध्ये स्पर्धक म्हणून सहभागी झाली होती सारंगी गर्ल स्नेहा वाघ सोशल मीडियावर प्रचंड सक्रीय असते. तिच्या ग्लॅम फोटोंनी असेल किंवा इन्स्टा रील्सने नेहमीच ती चाहत्यांचे लक्षवेधून घेत असते. बिग बॉसच्या घरातून बाहेर आल्यानंतर ती नवीन कुठल्या प्रोजेक्टमध्ये दिसली नसली तरी सोशल मीडियावर मात्र तिचा मोठा चाहता वर्ग आहे. स्नेहानं नुकतेच तिचे काही सुंदर फोटो शेअर केले आहेत. ज्यात ती ट्रॅडिशनल लूक मध्ये दिसत आहे. हेवी मेकअप करून तिने हा लूक केला आहे. इमॅजिन टीव्हीवरच्या 'ज्योती' या शोमुळे स्नेहा प्रसिद्धीच्या झोतात आली. या मालिकेत ती प्रमुख भूमिका साकारत होती. त्यानंतर 'चंद्रगुप्त मौर्य' या मालिकेत तिनं 'मूरा' हे पात्र साकारलं. त्यानंतर `वीरा` या मालिकेत ती मुख्य भूमिकेत दिसली.