बॉलिवूडमधील प्रसिद्ध अभिनेता कार्तिक आर्यनचा ‘शेहजादा’ (Shehzada) आज चित्रपटगृहामध्ये प्रदर्शित झाला आहे.

आता कार्तिकचा शेहजादा हा चित्रपट बॉक्स ऑफिसवर किती कमाई करेल? या प्रश्नांचे उत्तर प्रेक्षकांना लवकरच मिळेल.

अनेकांना शेहजादा या चित्रपटाचा फर्स्ट-डे फर्स्ट शो पाहिला. आता नेटकरी या चित्रपटाचा रिव्ह्यू सोशल मीडियावर शेअर करत आहेत.

अनेक नेटकऱ्यांनी सोशल मीडियावर शेहजादा या चित्रपटाचा रिव्ह्यू शेअर केला आहे.

एका नेटकऱ्यानं ट्विटरवर कार्तिकच्या या चित्रपटाचा रिव्ह्यू शेअर केला. त्यानं ट्वीटमध्ये लिहिलं, 'मी ऑस्ट्रेलियामध्ये शेहजादा पाहिला. सॉलिड एंटरटेनर चित्रपट आहे. कार्तिक आर्यननं चांगलं काम केलं आहे. क्रिती ग्लॅमरस दिसली आहे. तर परेश रावल यांनी देखील चांगलं काम केलं आहे. '

दुसऱ्या नेटकऱ्यानं ट्वीटमध्ये लिहिलं, 'अॅव्हरेज चित्रपट आहे. टाईमपास आहे. कार्तिक आर्यननं ओव्हर अॅक्टिंग कमी केली आहे. क्रितीनं एकदम मस्त काम केलं आहे.'

शेहजादा या चित्रपटात कार्तिक आणि क्रिती सेनन (Kriti Sanon) यांच्यासोबतच परेश रावल, राजपाल यादव यांनी देखील प्रमुख भूमिका साकारली आहे.

भूषण कुमार आणि कृष्ण कुमार यांनी शेहजादा या चित्रपटाची निर्मिती केली आहे.

शेहजादा हा रोमॅंटिक सिनेमा असला तरी या सिनेमात प्रेक्षकांना अॅक्शनचा तडका पाहायला मिळणार आहे.

कार्तिकच्या आगामी चित्रपटांची प्रेक्षक उत्सुकतेने वाट बघत असतात.