अभिनेत्री प्राजक्ता माळीनं नुकतेच तिच्या मराठमोळ्या लूकमधील फोटो सोशल मीडियावर शेअर केले आहेत. निळ्या आणि हिरव्या रंगाची साडी, गोल्डन ज्वेलरी आणि गजरा अशा लूकमधील फोटो प्राजक्तानं शेअर केले आहेत. प्राजक्तानं हे फोटो शेअर करून 'तुम्हांवर केली मी मर्जी बहाल..' हे गाणं कॅप्शनमध्ये लिहिले आहे. तसेच एका फोटोला प्राजक्तानं कॅप्शन दिलं, 'तुझेच मी गीत गात आहे…' प्राजक्तानं शेअर केलेल्या या फोटोंना नेटकऱ्यांची पसंती मिळाली आहे. तिच्या चाहत्यांनी फोटोवर लाइक्स आणि कमेंट्सचा वर्षाव केला आहे. काही दिवसांपूर्वी प्राजक्ताचा लक-डाऊन हा चित्रपट प्रदर्शित झाला होता. सध्या 'महाराष्ट्राची हास्य जत्रा' या कार्यक्रमाचे प्राजक्ता सूत्रसंचालन करत आहे.