एसटी महामंडळाच्या कर्मचाऱ्यांना थकीत महागाई भत्ता जाहीर होणार असल्याची माहिती आहे.

सोबतच, कर्मचारी व त्याचे कुटुंबीय यांच्यासाठी सध्या अस्तित्वात असलेल्या वैद्यकीय योजनेत मोठे बदल करत वाढीव रक्कम देण्याचा विचार देखील सुरू आहे.

ज्यामध्ये, कर्मचाऱ्यांना ओपीडीची रक्कम देखील आता मिळू शकणार आहे.

सह्याद्री अतिथीगृहावर राज्यातील एसटी संघटनांच्या विविध मागण्यांसंदर्भात बैठक पार पडली आहे.

महागाई भत्ता आणि मेडिकल कॅशलेस योजनेसंदर्भात एसटी कार्मचारी संघटनांच्या मागण्या आहेत.

एसटी कर्मचाऱ्यांना सध्या 46 टक्के महागाई भत्ता दिला जातो.

मात्र, त्यात वाढ होत सरकारी कर्मचाऱ्यांला लागू झालेला 53 टक्के महागाई भत्ता जाहीर होणार असल्याची सूत्रांची माहिती आहे.

दरम्यान, महागाई भत्ता 50 टक्क्यांच्या वर गेल्यावर घरभाडे भत्ता देखील वाढतो!

अशात त्यात वाढ होणार का? याकडे सर्वांचे लक्ष लागलं आहे.

महागाई भत्ता 46 टक्क्यांवरुन 53 टक्के करण्यात यावा अशी मागणी कर्मचाऱ्यांची आहे.