अक्कलकोट एमआयडीसी परिसरात शनिवारी मध्यरात्रीनंतर आग लागली.

कारखान्यातील कच्च्या मालामुळे ही आग वेगाने पसरत गेली.

अग्निशमन दलाने शनिवारी रात्री कारखान्यातून जखमी अवस्थेत बाहेर काढलेल्या तिघांचा उपचारादरम्यान मृत्यू झाला होता.

तर या कारखान्याचे मालक उस्मान उस्मानभाई मन्सूरी आणि त्यांचे कुटुंबीय अनस मन्सूरी, शिफा मन्सूरी, चिमुकला युसूफ मन्सूरी हे चौघेजण अद्याप आत अडकलेले आहेत.

या कारखान्यात मोठ्याप्रमाणावर सामान असल्याने अग्निशमन दलाला आतमध्ये शिरायला जागा मिळत नव्हती.

अखेर अग्निशमन दलाने जेसीबीच्या साहाय्याने येथील एक भिंत फोडली आहे.

या फोडलेल्या भिंतीच्या भगदाडातून अग्निशमन दलाचे जवान आतमध्ये शिरले आहेत.

फोम आणि ऑक्सिजन सिलिंडर घेऊन अग्निशमन दलाचे जवान आत शिरले आहेत.

आगीची तीव्रता कमी झाली असली तरी कारखान्यात सध्या काळ्या धुराचे साम्राज्य आहे.

त्यामुळे कारखान्याच्या आतल्या बाजूला हवेत ऑक्सिजनही शिल्लक राहिलेला नाही.