भारत-पाकिस्तान तणावाच्या पार्श्वभूमीवर गेल्या आठवड्यापासून सोन्याच्या किमतीवर परिणाम झाल्याचं दिसून आलं.

दोन्ही देशांनी शस्त्रसंधी जाहीर केल्यानंतर सोन्याच्या दरात मोठी घसरण झाली.

गेल्या 48 तासांत सोन्याचा भाव तब्बल 8000 रुपयांनी घसरला.

सोमवारी बाजार उघडताच सोन्याच्या दरात तीन हजारांची घसरण झाल्याचं दिसून आलं.

शनिवारी सोन्याचा भाव प्रति 10 ग्रॅमसाठी 92 हजार 910 रुपये इतका आहे.

अमेरिका आणि चीनमध्ये आयात शुल्कावरुन सुरू झालेल्या चर्चेचा परिणाम आता सोन्याच्या किमतींवर होत असल्याचं सांगितलं जात आहे.

दरम्यान, सोन्याच्या भावाने गेल्या आठवड्यात लाखांच्या घरात मुसंडी मारल्यामुळे ग्राहकांमध्ये सोने खरेदीबाबत साशंकता दिसून आली होती.

गेल्या दोन दिवसांचे उतरते भाव पाहता ग्राहकांचा पुन्हा एकदा सोन्याच्या खरेदीकडे ओढा वाढण्याची शक्यता आहे.