मुंबईतील भुयारी मेट्रो स्थानकात पाणी घुसलं!

काही दिवसांपूर्वी राज्य सरकारने मोठा गाजावाजा करत मुंबई मेट्रो 3 अर्थात ॲक्वा लाईन सुरु केली होती.

आरे ते वरळी असा मार्ग असणारी ॲक्वा लाईन (Metro Aqua line) भुयारी मार्गाने धावते.

पावसाचे पाणी हे भुयारी मेट्रोच्या स्थानकांमध्ये शिरले.

आचार्य अत्रे चौक वरळी मेट्रो स्थानकावर पावसाचे पाणी साचले आहे.

आज सकाळपासून सुरु असलेल्या पावसामुळे भुयारी मेट्रोच्या वरळी आचार्य अत्रे या स्थानकाची दुरावस्था झाली आहे.

पहिल्याच पावसात अवघ्या काही तासांत भुयारी मेट्रोच्या स्थानकांची भयाण अवस्था झाली आहे.

एवढेच नव्हे तर भुयारी मेट्रोच्या वरळी स्थानकात पाणी शिरल्याने येथील सुरक्षा उपकरणे, चेकिंग पॉईंट, सरकते जिने आणि लाखोंच्या उपकरणांचे नुकसान झाले आहे.

पाणी शिरल्यामुळे या मेट्रो स्थानकातील अनेक गोष्टी निकामी झाल्याचे दिसून आले.

त्यामुळे या वस्तू भंगारात विकण्याच्या लायकीच्या झाल्या आहेत. सध्या मेट्रो प्रशासनाने अॅक्वा लाईन बंद केली आहे.