जम्मू-काश्मीर मधील पहेलगाम येथे झालेल्या दहशतवादी हल्ल्याच्या पार्श्वभूमीवर भारतातील धार्मिक स्थळे ही हाय अलर्टवर आहे.

प्रभादेवी येथील श्री सिध्दिविनायक मंदिरास धोका असल्याचे समाचार प्राप्त झाल्याने सुरक्षायंत्रणांनी मंदिरास अवगत केले आहे.

या पार्श्वभूमीवर मंदिराच्या सुरक्षाविषयक उपाययोजना करण्यासंदर्भात मंदिर परिसरात नारळ आणण्यास मनाई आहे.

तसेच श्रीं ना फुले, हार, मिठाई इ. अर्पण करण्यास तात्पुरत्या स्वरूपात मनाई करण्यात आली आहे.

हा निर्णय सर्वानुमते घेण्यात आलेला आहे.

तथापि दूर्वांची जुडी, जास्वंदीच फूल आणण्यास प्रत्यवाह नाही.

त्यास अनुसरून याबाबत सहकार्य करण्याचे भाविकांना आवाहन करण्यात येत आहे.

तसेच मंदिर परिसरातील फुलविक्रेत्या संघटनेच्या प्रतिनिधीशी चर्चा करण्यात आली.

त्यांनी देखील देशाच्या सुरक्षिततेला प्राधान्य देत सर्वतोपरी सहकार्य करण्याची तयारी दर्शविली आहे.