मुंबईच्या गेट वे ऑफ इंडियावरून एलिफंटाच्या दिशेनं निघालेली निलकमल ही प्रवासी बोट समुद्रात बुडाली.

बुधवारी घडलेल्या या दुर्घटनेत आतापर्यंत 13 जणांचा मृत्यू झाला.

मृतांमध्ये 10 प्रवासी आणि 3 नौदलाच्या कर्मचाऱ्यांचा समावेश आहे.

मुख्यमंत्री देवेंद्र फडणवीसांनी ही माहिती दिली आहे. मृतांच्या नातेवाईकांना 5 लाखांची मदत जाहीर करण्यात आली आहे.

तसेच जखमींच्या उपचाराचा खर्च देखील सरकार करणार आहे.

या प्रकरणाची सखोल चौकशी करण्यात येणार असल्याचं मुख्यमंत्री फडणवीस यांनी सांगितलं आहे.

समुद्रातून प्रवास सुरू असताना नीलकमल बोटीला भारतीय नौदलाच्या स्पीड बोडची जोरदार धडक बसली.

नौदलाच्या ज्या बोटीनं धडक दिली त्या बोटीच्या इंजिनाची चाचणी सुरू होती अशी प्राथमिक माहिती आहे.

इंजिनात बिघाड झाल्यामुळे हा अपघात घडला की आणखी काही इतर कारण आहे हे चौकशीनंतर समोर येईल.