गेले काही वर्षे मुंबई गोवा महामार्गाच्या रुंदीकरणाचे काम संथ गतीने सुरु आहे.

अतिवृष्टीमुळे परशुराम घाटाचा काही भाग खचला आणि घाट काही दिवस बंद ठेवावा लागला.

तात्पुरत्या स्वरुपाच्या उपाययोजना करुन पुन्हा परशुराम घाट वाहतूकीसाठी सुरु करण्यात आला.

25 एप्रिल ते 25 मे पर्यंत घाट वाहतूकीसाठी बंद ठेवण्यात आला.

गुरुवारपासून हा घाट वाहतूकीसाठी 24 तास खुला करण्यात आला आहे.

घाट बंदच्या काळात रेल्वेतून कोकणात प्रवास करणाऱ्यांची संख्या वाढली होती.

आता हा घाट सुरु झाल्यामुळे रेल्वेतून कोकणात प्रवास करणाऱ्या प्रवाश्यांची गर्दीही काही प्रमाणात कमी होईल.

हा घाट वाहतुकीसाठी खुला करण्यात आला असला तरीही घाटातील रुंदीकरणाची किरकोळ कामे सुरुच राहणार आहेत.

पावसाळ्यात या घाटातून प्रवास करताना काळजीपूर्वक प्रवास करावा लागणार आहे.

हा घाट रुंदीकरणात ठिकठिकाणी कापण्यात आला आहे.