यंदा मकर संक्रात 15 जानेवारीला आहे. घरोघरी खमंग तिळाचे लाडू, चिक्की, तिळ पापडी असे तिळाचे गोड-गोड पदार्थ तयार केले जात आहेत.

लहानथोर सगळे तिळगुळाचा आनंद घेत आहेत. पण अशामध्ये मधुमेह रुग्णांना गोड पदार्थांपासून दूर राहावं लागत आहे.

तिळाच्या पदार्थांमध्ये साखरेचा वापर केला जातो, यामुळे मधुमेह असलेल्या रुग्णांना हे पदार्थ खाता येत नाहीत.

पण मधुमेह रुग्णांसाठी स्पेशल शुगर फ्री तिळाची चिक्की बनवता येईल. ही बनवण्याची रेसिपी जाणून घ्या...

साहित्य - एक कप तीळ, 250 ग्राम गूळ, एक टीस्पून वेलची पावडर

कृती - सर्वात आधी एक पॅन गरम करा. यामध्ये तीळ भाजून घ्या, नंतर ते एका प्लेटमध्ये काढून घ्या.

आता एका पातेल्यात पाणी गरम करून त्यात गूळ घाला आणि त्याचा पाक तयार करा.

आता गुळाच्या पाकामध्ये तीळ आणि वेलची पूड घाला. हे मिश्रण चांगले मिसळा.

एक प्लेट घ्या, त्याला तूप लावा आणि त्या प्लेटमध्ये तिळाचे मिश्रण पसरवा.

या चिक्की हव्या त्या आकारात कापून घ्या.

तयार आहे शुगर फ्री गुळाची चिक्की