हॉटेलमधील GST घोटाळ्यापासून कसे वाचायचे?

अनेकदा रेस्टॉरंट टॅक्सच्या नावाखाली जास्त पैसे घेतात, जे एक प्रकारे जीएसटी घोटाळा असतो.

जर तुम्हाला या गोष्टी टाळायच्या असतील, तर काही गोष्टी लक्षात घेणे आवश्यक आहे.

रेस्टॉरंटच्या जीएसटी घोटाळ्यापासून वाचण्यासाठी, सर्वात आधी बिलावर जीएसटी नंबर नमूद आहे की नाही, हे तपासा.

जर नमूद केले असेल, तर services.gst.gov.in या संकेतस्थळावर जा, तिथे रेस्टॉरंटचा जीएसटी क्रमांक टाका आणि एंटर करा.

आता GSTIN आणि UIN स्थिती पहा, जर Active असेल तर कर घेणे योग्य आहे.

रद्द (Cancelled) दिसत असेल, तर रेस्टॉरंट कर आकारू शकत नाही.

त्यानंतर, 'Taxpayer Type' नक्की तपासा. जर तो 'Composition' प्रकारचा असेल, तर रेस्टॉरंट कर वसूल करू शकत नाही.

कंपोझिशन योजनेत असलेले व्यापारी कर गोळा करत नाहीत, ते फक्त एक निश्चित रक्कम भरतात.

जर जीएसटी नंबर सक्रिय नसेल तरीही कर घेतला जात असेल, तर हे चुकीचे आहे.

अशा स्थितीत, तुम्ही हेल्पलाईन नंबर 1800-1200-232 वर तक्रार दाखल करू शकता.